កីឡា
លោក ពូទីន ថ្កោលទោសអូឡាំពិកអន្តរជាតិពី”ការរើសអើងជាតិសាសន៍” ប្រឆាំងនឹងអត្តពលិករុស្ស៊ី
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចោទប្រកាន់គណៈកម្មាធិការអូឡាំពិកអន្តរជាតិ (IOC) ពី”ការរើសអើងជាតិសាសន៍” ប្រឆាំងនឹងអត្តពលិករបស់រុស្ស៊ី និងប្រើប្រាស់កីឡាអូឡាំពិកជា “ឧបករណ៍នៃសម្ពាធនយោបាយ”។
ការអត្ថាធិប្បាយរបស់លោក ពូទីន បានធ្វើឡើងក្នុងវេទិកា «រុស្ស៊ីជាប្រទេសមានអំណាចកីឡា» នៅទីក្រុង Perm កាលពីថ្ងៃទី២០ ខែតុលា។ អត្តពលិករុស្ស៊ី និងបេឡារុស្ស ត្រូវបានជាប់គាំងជាច្រើនពីការចូលរួមប្រកួតកីឡាអន្តរជាតិ បន្ទាប់ពីអនុសាសន៍របស់ IOC ក្នុងការឆ្លើយតបនឹងសង្គ្រាមនៅអ៊ុយក្រែន។
ចាប់តាំងពីពេលនោះមក ជំហរត្រូវបានបន្ធូរបន្ថយជាមួយ IOC ដែលផ្តល់ដំបូន្មានដល់អង្គការកីឡាឱ្យអនុញ្ញាតឱ្យពួកគេប្រកួតប្រជែងក្នុងនាមជាអត្តពលិកអព្យាក្រឹត្យ ប្រសិនបើពួកគេមិនគាំទ្រសង្គ្រាម និងមិនមានទំនាក់ទំនងជាមួយយោធា។
នៅក្រោមលក្ខខណ្ឌរបស់ IOC ទង់ជាតិ និងភ្លេងជាតិនៃប្រទេសទាំងពីរនៅតែត្រូវបានហាមឃាត់ ខណៈក្រុមកីឡារុស្ស៊ី និងបេឡារុស្ស នៅតែបន្តត្រូវបានរារាំងពីការប្រកួតអន្តរជាតិ។
សហព័ន្ធកីឡាអន្តរជាតិភាគច្រើនបានប្រកាន់ខ្ជាប់នូវអនុសាសន៍ ដែលណែនាំឱ្យអត្តពលិកមកពីប្រទេសរុស្ស៊ី និងបេឡារុស្ស ចូលរួមជាអព្យាក្រឹត្យក្នុងការប្រកួតជើងឯកពិភពលោក។ ទោះជាយ៉ាងណាក៏ដោយ IOC មិនទាន់ធ្វើការសម្រេចចិត្តលើការចូលរួមរបស់រុស្ស៊ី និងបេឡារុស្ស នៅអូឡាំពិក ឆ្នាំ២០២៤ ឡើយ។
លោក ពូទីន បាននិយាយថា ៖«ព្រឹត្តិការណ៍កីឡាអាចត្រូវបានគេប្រើជាឧបករណ៍នៃសម្ពាធនយោបាយប្រឆាំងនឹងមនុស្សដែលមិនពាក់ព័ន្ធជាមួយនយោបាយ ដូចជាការរើសអើងជាតិសាសន៍»។
«សូមអរគុណដល់ថ្នាក់ដឹកនាំមួយចំនួនរបស់គណៈកម្មាធិការអូឡាំពិកអន្តរជាតិសម័យទំនើប។ យើងបានដឹងថា ការអញ្ជើញឱ្យចូលរួមការប្រកួតកីឡា មិនមែនជាសិទ្ធិដោយគ្មានលក្ខខណ្ឌរបស់អត្តពលិកឆ្នើមនោះទេ ប៉ុន្តែជា”ឯកសិទ្ធិ”។ វាអាចទទួលបានមិនមែនដោយលទ្ធផលកីឡានោះទេ ប៉ុន្តែតាមរយៈ កាយវិការនយោបាយមួយចំនួនដែលមិនទាក់ទងនឹងកីឡាទាល់តែសោះ»។
«ព្រឹត្តិការណ៍កីឡានោះអាចប្រើជាឧបករណ៍នៃសម្ពាធនយោបាយប្រឆាំងនឹងមនុស្សដែលមិនពាក់ព័ន្ធជាមួយនយោបាយ។ យើងបានដឹងថា ធម្មនុញ្ញអូឡាំពិកត្រូវបានសន្មត់ថាហួសសម័យ ហើយលែងមានលក្ខណៈជាសកល។ មន្ត្រីកីឡាមួយចំនួនបានអួតអាងចំពោះខ្លួនឯងនូវសិទ្ធិក្នុងការកំណត់ថាតើវាអនុវត្តចំពោះអ្នកណា ធម្មនុញ្ញអូឡាំពិកនេះ ហើយចំពោះអ្នកណាដែលវាមិនមាន»។ ទាំងនេះគឺជាការលើកឡើងរបស់ លោកពូទីន៕
ប្រែសម្រួល៖ មន្នីរ័ត្ន
ប្រភព៖ insidethegames.biz
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច១ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៦ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ៩ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី