កីឡា
លោក ភា សុភ័ត្ត្រា៖ ការនាំយក អារុណរ៉េយមិន មានផលចំណេញច្រើន
ក្លិបបាល់ទាត់ក្រសួងការពារជាតិបានប្រកាសជាផ្លូវការនៅថ្ងៃសុក្រ ទី១០ ខែវិច្ឆិកា ឆ្នាំ២០២៣ ក្នុងការនាំយកខ្សែបម្រើកណ្ដាល លឹម អារុណរ៉េយមិន ដែលជាកីឡាករខ្មែរ-នូវែលសេឡង់ វ័យ២០ឆ្នាំ មកចូលរួមដើម្បីត្រៀមខ្លួនសម្រាប់ការប្រកួតជុំទី២ ពានរង្វាន់លីគកំពូលកម្ពុជា។
លោក ភា សុភ័ត្ត្រា គ្រូបង្វឹកក្លិបក្រសួងការពារជាតិ បានរៀបរាប់ថា ក្រោយបញ្ចប់ការប្រកួតជុំទី១ ក្នុងពានរង្វាន់ខេមបូឌានព្រីមៀរលីគ បានមើលឃើញអំពីចំណុចខ្វះខាតក្នុងតំបន់បម្រើកណ្ដាល ដែលជាតំបន់ស្នូលក្នុងការប្រកួត ហើយត្រូវការកីឡាករដែលមានគុណភាពក្នុងការចែកបាល់ទៅមុខដើម្បីបង្កើតឱកាសរកគ្រាប់បាល់ និងការបត់បែនប្តូរខាងលេង។ ដូច្នេះការនាំយកកីឡាករ លឹម អារុណរ៉េយមិន មកចូលរួមក្នុងជុំទី២ គឺដើម្បីបំពេញចន្លោះខ្វះខាតក្នុងតំបន់បម្រើកណ្ដាល។
លោក ភា សុភ័ត្ត្រា បានប្រាប់«កម្ពុជាថ្មី»ថា ៖«កត្តាដែលធ្វើឲ្យខ្ញុំនាំយកកីឡាករ អារុណ មកគឺដោយសារខ្ញុំធ្លាប់ធ្វើការជាមួយគ្នាក្នុងក្រុមជម្រើសជាតិ ហើយក៏បានសិក្សាពីភាពខ្លាំងរបស់គាត់ដែរគឺគុណភាពនៃការបញ្ជូនបាល់ ជាពិសេសការបញញ្ជូនបាល់បែបបញ្ឆិតចំណិតត្រសក់ដើម្បីផ្លាស់ប្តូរខាងលេង។ ដោយសម្លឹងឃើញពីគុណភាពរបស់ លឹម អារុណ ទើបខ្ញុំសម្រេចយករូបគេមកចូលរួមដើម្បីបំពេញចំណុចខ្វះខាតនៅក្នុងក្រុម»។
ការផ្លាស់មកក្លិបក្រសួងការពារជាតិគឺជាឱកាសរបស់ លឹម អារុណរ៉េយមិន ក្នុងការបង្ហាញសមត្ថភាពជាថ្មី ក្រោយការស្នាក់នៅជាមួយណាហ្គាវើលដ៍មិនសូវទទួលបានឱកាសបង្ហាញខ្លួនលើទីលាន។ ជាក់ស្តែងក្រសួងការពារជាតិក៏មានក្រុម B លេងលីគទី២ ដូច្នេះ អារុណ មានឱកាសកាន់តែច្រើនដើម្បីអភិវឌ្ឍខ្លួនព្រោះរូបគេមានវ័យទើប២០ឆ្នាំ។
លោក ភា សុភ័ត្ត្រា បានបន្ថែមថា ៖«យ៉ាងណាមិញសម្រាប់ អារុណ នៅតែមានចំណុចខ្វះខាត ដើម្បីកែប្រែ និងអភិវឌ្ឍខ្លួនបន្ថែម។ ចំណុចដែលគាត់ត្រូវកែប្រែបន្ថែមគឺពាក់ព័ន្ធនឹងកាយសម្បទា ជាពិសេសល្បឿនរបស់គាត់នៅយឺត។ មួយវិញទៀតគឺត្រូវបង្កើនសមត្ថភាពក្នុងការការពារ និងការសម្រេចចិត្ត»៕
អត្ថបទ៖ ផា រតនា
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល