កីឡា

ឱកាសឡើងវគ្គបន្តរបស់កូរ៉េខាងត្បូងស្តួចស្តើងក្នុងជើងឯក U17 World Cup

បានផុស

៦ ម៉ោង មុន

នៅ

ថ្ងៃព្រហស្បតិ៍ ១៦ វិច្ឆិកា ២០២៣

ដោយ

ក្រុមជម្រើសជាតិកូរ៉េខាងត្បូងអាយុក្រោម១៧ឆ្នាំធ្វើមិនបានល្អទេ ក្រោយចាញ់ការប្រកួត២លើកជាប់គ្នាក្នុងវគ្គសន្សំពិន្ទុពានរង្វាន់ World Cup U17 ហើយឱកាសឡើងទៅវគ្គ១៦សល់កាន់តែតិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបាល់ទាត់ជើងឯកពិភពលោកយុវជនអាយុក្រោម១៧ឆ្នាំ នៅប្រទេសឥណ្ឌូណេស៊ី ក្រុមយុវជនកូរ៉េខាងត្បូងស្ថិតក្នុងពូល E រួមមានសហរដ្ឋអាមេរិក បារាំង និង ប៊ូគីណាហ្វាសូ។ ជារឿងលំបាកមួយសម្រាប់កូរ៉េខាងត្បូងក្នុងការប្រជែងជាមួយក្រុមខ្លាំងៗក្នុងពូល។ ឆ្លងកាត់ការប្រកួត២លើក ក្រុមកូរ៉េខាងត្បូងបរាជ័យទាំង២លើកក្នុងនោះចាញ់សហរដ្ឋអាមេរិក ៣-១ កាលពីថ្ងៃទី១២ ខែវិច្ឆិកា ឆ្នាំ២០២៣ និងយប់ថ្ងៃទី១៥ ក៏បន្តចាញ់ក្រុមបារាំង ១-០ ដែលធ្វើឲ្យឱកាសឡើងទៅវគ្គបន្តកាន់តែតិច។

បច្ចុប្បន្នក្រុមកូរ៉េខាងត្បូងកំពុងឈរនៅលេខ៣ ក្នុងពូល F ដោយប្រកួត២លើក ចាញ់ទាំង២ គ្មានពិន្ទុរាប់។ ចំពោះការប្រកួតចុងក្រោយកូរ៉េខាងត្បូងត្រូវជួបជាមួយក្រុមប៊ូគីណាហ្វាសូ នៅថ្ងៃទី១៨ ខែវិច្ឆិកា ឆ្នាំ២០២៣។ ប្រសិនបើទទួលបានជ័យជម្នះច្រើនគ្រាប់ ត្រូវអ៊ុតមើលក្រុមលេខ៣ល្អបំផុតក្នុងពូលដែលជាឱកាសឡើងវគ្គបន្ត៕