រកឃើញក្រុម១១កក់កៅអីឡើងវគ្គ១៦ក្រុម World Cup U17

ការប្រកួតវគ្គសន្សំពិន្ទុ​បាល់ទាត់​ជើង​ឯក​ពិភព​លោក​អាយុ​ក្រោម​១៧​ឆ្នាំ (World Cup U17) នឹង​បញ្ចប់នៅថ្ងៃសៅរ៍ ទី១៨​ ខែវិច្ឆិកា ឆ្នាំ២០២៣ ប៉ុន្តែ​ពេល​នេះ​រក​ឃើញ​ក្រុម១១ហើយ​បានឡើងទៅវគ្គ១៦ក្រុមចុងក្រោយ​​។

ក្រុម១១បានឡើងទៅកាន់វគ្គ១៦ក្រុមចុងក្រោយ World Cup U17 ឆ្នាំ២០២៣ គឺ ក្រុមជម្រើសជាតិម៉ារ៉ុក អេក្វាឌ័រ អេស្ប៉ាញ ម៉ាលី អ៊ូបេគីស្ថាន អង់គ្លេស សេណេហ្គាល់ បារាំង សហរដ្ឋអាមេរិក អាល្លឺម៉ង់ និង វ៉េណេស៊ុយអេឡា។

លទ្ធផលក្នុងពូល A

ក្រុមម៉ារ៉ុ កនិងអេក្វាឌ័រ បានឈានទៅវគ្គ១៦ក្រុមចុងក្រោយ ដោយឈរ​លេខ១និងលេខ២ ក្នុងពូល A ។ ចំពោះក្រុមម្ចាស់ផ្ទះឥណ្ឌូណេស៊ីនៅសល់​ឱកាស​តិចតួចបំផុតក្នុងការឡើងទៅវគ្គ១៦ក្រុម ក្នុងនាមជាក្រុមលេខ៣ល្អក្នុងពូលដោយសារ​មាន​តែ​២ពិន្ទុ។

លទ្ធផលក្នុងពូល B

ក្នុងពួល B គឺមានក្រុមចំនួន៣ ដែលបានឡើងទៅវគ្គបន្តគឺក្រុម​អេស្ប៉ាញ និង ម៉ាលី ជា​ក្រុម​លេខ១ និង​លេខ​២ ខណៈ​អ៊ូបេគីស្ថាន​បានឡើងទៅវគ្គបន្តក្នុងនាមជាក្រុមលេខ៣ល្អក្នុងពូល។

លទ្ធផលក្នុងពូល C

ចំពោះពូល C គឺក្រុម​​អង់គ្លេស​បានកក់កៅអីឡើងទៅវគ្កបន្ត​​ បន្ទាប់​ពី​ឈ្នះ​​ពីរ​ប្រកួត​ ទោះបីនៅសល់១ប្រកួតទៀត។ ចំណែកក្រុមប្រេសុីល និងអុីរ៉ង​ ត្រូវរងចាំមួយប្រកួតចុងក្រោយ​ទើប​រក​ឃើញ​ក្រុម​​លេខ២ និង​លេខ៣ល្អក្នុងពូល។

លទ្ធផលក្នុងពូល D

ក្នុងពូល D ក្រុមដែលបានឡើងទៅវគ្គ១៦ក្រុមគឺ​សេណេហ្គាល់ មាន៦ពិន្ទុឈរនៅលេខ១ ក្នុងពូល A ទោះ​បី​សល់១ប្រកួតទៀត។ ក្រុមអាហ្សង់ទីននិងជប៉ុន ត្រូវ​ចាំ​អ៊ុត​មួយប្រកួតចុងក្រោយទៀតដើម្បីកាត់សេចក្តី​ក្រុម​​លេខ២ និង​លេខ៣ល្អ។

លទ្ធផលក្នុងពូល E

ពូល E បារាំងនិងសហរដ្ឋអាមេរិក បានទៅវគ្ក១៦ក្រុមចុងក្រោយ ដោយរកបាន៦ពិន្ទុដូចគ្នា។ ក្រុមកូរ៉េខាងត្បូងក៏នៅមាន​ឱកាស​ដែរ​ក្នុងនាមជាក្រុមលេខ៣ល្អក្នុងពូល ប៉ុន្តែពួកគេត្រូវ​ការឈ្នះជាចាំបាច់​ទល់​នឹង​​​ក្រុម​ប៊ូគីណាហ្វាសូ ដែល​ត្រូវ​ការ​ឈ្នះ​ដូច​គ្នា នៅថ្ងៃទី១៨​ ខែវិច្ឆិកា ឆ្នាំ២០២៣។

លទ្ធផលក្នុងពូល F

ពូល F អាល្លឺម៉ង់ និងវ៉េណេស៊ុយអេឡា បានឡើងទៅវគ្គបន្ត ទោះ​នៅសល់​១​ប្រកួតទៀត។ សម្រាប់ក្រុម​ម៉ិកស៊ិក ក៏នៅសល់​ឱកាស​ឡើង​វគ្គបន្តដែរ ប៉ុន្តែត្រូវការឈ្នះជាចាំបាច់ពេលជួបក្រុមនូវែលសេឡង់​។

លទ្ធផល​បណ្តោះអាសន្នក្រុមដែលមានចំណត់ថ្នាក់លេខ៣ ក្នុងពូលទាំង៦ ក្នុងនោះក្រុម​៤​​បាន​ឡើងទៅវគ្គ១៦ក្រុមចុង និង​នៅ​សល់​​៥​ក្រុម​ទៀត​ដែល​ត្រូវ​កាត់​សេចក្តី​សម្រាប់​ការ​ប្រកួត​ចុង​ក្រោយ៕

អត្ថបទ៖ ផា រតនា