កីឡា

Jelle Goselink ជាកីឡាករហុល្លង់ទី៣ចូលរួមជាមួយភ្នំពេញក្រោន

បានផុស

៣ years មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

នៅថ្ងៃទី២១ ខែវិច្ឆិកា ឆ្នាំ២០២៣ ក្លិបបាល់ទាត់ភ្នំពេញក្រោន បានប្រកាសជាផ្លូវការក្នុងការនាំយកខ្សែប្រយុទ្ធកីឡាករសញ្ជាតិហុល្លង់ Jelle Goselink មកចូលរួមជាមួយក្នុងពេលទីផ្សារដោះដូរលើកទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Jelle Goselink វ័យ២៤ឆ្នាំ បានផ្លាស់មកចូលរួមភ្នំពេញក្រោនក្នុងលក្ខខណ្ឌខ្ចីជើងពីក្លិប Borneo F.C.របស់ប្រទេសឥណ្ឌូណេស៊ី។ នេះជាកីឡាករហុល្លង់ទី៣ដែលបានចូលរួមជាមួយក្លិបជើងឯកលីគកំពូលកម្ពុជា៨សម័យកាល បន្ទាប់ពីកីឡាករហុល្លង់ទី១ Elroy van der Hoof ចូលរួមក្នុងឆ្នាំ២០១៣ និងទី២កីឡាករ Koen Bosma ក្នុងឆ្នាំ២០១៤។

ភ្នំពេញក្រោនមានភារកិច្ចច្រើន ក្នុងរដូវកាលនេះទាំងការប្រកួត AFC Cup ដែលក្លិបបានដាក់គោលដៅត្រូវតែធ្វើឲ្យបានល្អ។ នេះមានន័យថា ភ្នំពេញក្រោនបានបន្ថែមខ្សែប្រយុទ្ធដើម្បីជួយខ្សែប្រយុទ្ធជប៉ុន Shintaro Shimizu, Andrés Nieto និង លឹម ពិសុទ្ធ ក្នុងករណីមានរបួស។

ខ្សែប្រយុទ្ធវ័យ២៤ឆ្នាំ Goselink មានគុណភាពក្នុងការបញ្ចប់ទីតាមរយៈការប្រើក្បាលតែត ដោយសាររូបគេមានកម្ពស់ខ្ពស់រួមផ្សំនឹងបច្ចេកទេសដ៏ល្អ។ ទម្រង់លេងរបស់ក្លិបភ្នំពេញក្រោនគឺចូលចិត្តលេងពីស្លាបទាំងសងខាង ដោយសារមានកីឡាករប្រកបដោយគុណភាពក្នុងការចែកបាល់ដូចជា យ៉ើ មូស្លីម, ផាច សុជាវីឡា និង សឿត បារាំង ជាដើម។

ក្រោយផ្លាស់មកកាន់លីគកំពូលកម្ពុជា Goselink បាននិយាយថា៖« «ខ្ញុំពិតជារីករាយណាស់ដែលបានចូលរួមជាមួយភ្នំពេញក្រោន។ អ្នកនៅទីនេះរួសរាយរាក់ទាត់ ហើយពួកគេពិតជាស្រលាញ់បាល់ទាត់ដូចខ្ញុំដែរ។ ខ្ញុំពិតជារំភើប។ ខ្ញុំនឹងបង្ហាញសមត្ថភាព១០០% ទៅកាន់អ្នកគាំទ្រ មិត្តរួមក្រុម និងអ្នកទាំងអស់គ្នាដែលស្រលាញ់ភ្នំពេញក្រោន។ ខ្ញុំនឹងខំព្យាយាមជួយក្រុមតាមលទ្ធភាពដែលអាចធ្វើបានដើម្បីទទួលបានសមិទ្ធផលអស្ចារ្យទាំងអស់គ្នា»៕

អត្ថបទ៖ ផា រតនា