កីឡា

ក្រុមប្រេស៊ីលកាន់តែដុនដាបក្រោយចាញ់២ប្រកួតជាប់គ្នាជម្រុះ World Cup

បានផុស

៣ years មុន

នៅ

ថ្ងៃពុធ ២២ វិច្ឆិកា ២០២៣

ដោយ

ក្រុមបាល់ទាត់ជម្រើសជាតិប្រេស៊ីលបានធ្លាក់មកចំណាត់ថ្នាក់លេខ៦ ក្នុងតារាងពិន្ទុវគ្គជម្រុះពានរង្វាន់ World Cup ឆ្នាំ២០២៦ ក្នុងតំបន់អាមេរិកឡាទីន ក្រោយចាញ់២ប្រកួតជាប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវគ្គជម្រុះជើងឯកពិភពលោកឆ្នាំ២០២៦ ប្រេស៊ីលចាប់ផ្តើមមិនបានល្អទេ ដោយរកបានត្រឹមតែ៧ពិន្ទុប៉ុណ្ណោះ ក្នុងការប្រកួត៦លើក តាមរយៈជ័យជម្នះ២ ស្មើ១ និងចាញ់៣។ ក្រុមប្រេស៊ីលអាចនឹងបាត់ឱកាសឡើងជុំផ្តាច់ព្រ័ត្រ បើសិនពួកគេនៅតែធ្វើមិនបានល្អនៅការប្រកួតបន្ទាប់ទៀត។

កាប្រកួត២លើកចុងក្រោយ ប្រេស៊ីលបានបរាជ័យក្រោមថ្វីជើងក្រុមកូឡុំប៊ី ២-១ កាលថ្ងៃទី១៧ ខែវិច្ឆិកា ឆ្នាំ២០២៣ និងនៅព្រឹក ថ្ងៃទី២២ ខែវិច្ឆិកា នេះ បន្តចាញ់ក្រុមអាហ្សង់ទី ១-០។ ការធ្វើមិនបានល្អរបស់ប្រេស៊ីលបែបនេះ ស្របពេលអវត្តមានខ្សែប្រយុទ្ធឆ្នើម Neymar ដែលមានបញ្ហារបួស។

ប៉ុន្តែឱកាសសម្រាប់ប្រេស៊ីលឡើងជុំផ្តាច់ព្រ័ត្រឆ្នាំ២០២៦ នៅតែមានច្រើនដោយសារសល់ការប្រកួតច្រើន។ វគ្គជម្រុះក្នុងតំបន់អាមេរិកឡាទីន គ្រោងនឹងបញ្ចប់នៅថ្ងៃទី១៤ ខែកញ្ញា ឆ្នាំ២០២៥។ តំបន់ CONMEBOL នេះមាន១០ប្រទេសគឺអាហ្សង់ទីន អ៊ុយរូហ្គាយ កូឡុំប៊ី ប្រេស៊ីល វ៉េណេស៊ុយអេឡា អេក្វាឌ័រ ប៉ារ៉ាហ្គាយ ឈីលី បូលីវី និង ប៉េរូ ដោយមាន៦កៅអីកន្លះសម្រាប់ជុំផ្តាច់ព្រ័ត្រ ពោលគឺ៦ក្រុមឡើងតាមរយៈការប្រកួតជម្រុះ ខណៈ១ក្រុមទៀតមានកន្លះកៅអីត្រូវប្រកួត Play off ជាមួយតំបន់ផ្សេង៕