កីឡា

សមិទ្ធផលរបស់លោក Mano Polking ក្រោយដឹកនាំថៃជាង២ឆ្នាំ

បានផុស

៣ years មុន

នៅ

ថ្ងៃព្រហស្បតិ៍ ២៣ វិច្ឆិកា ២០២៣

ដោយ

ក្រោយចាប់ផ្តើមបាន២ប្រកួត ក្នុងវគ្គជ្រមុះជុំទី២ ជើងឯកពិភពលោក World Cup ឆ្នាំ២០២៦ ក្នុងតំបន់អាស៊ី សហព័ន្ធបាល់ទាត់ថៃ បានប្រកាសជាផ្លូវការក្នុងការបញ្ចប់កុងត្រាជាមួយលោក Mano Polking គ្រូបង្វឹកក្រុមជម្រើសជាតិថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mano Polking បានចំណាយពេល២ឆ្នាំ និង៥៦ថ្ងៃ ក្នុងការដឹកនាំក្រុមជម្រើសជាតិថៃ។ ក្នុងរយៈពេលនេះ លោកដឹកនាំក្រុមជម្រើសជាតិថៃបាន៣៧ប្រកួត ឈ្នះ២១លើក ស្មើ៨លើក និងចាញ់៨លើក រកគ្រាប់បាល់សរុបបាន៦៩គ្រាប់ របូតគ្រាប់បាល់៣៧គ្រាប់។ លោកបានជួយថៃឲ្យឈ្នះជើងឯកលំដាប់ទី១អាស៊ាន AFF Championship ២លើក (ឆ្នាំ ២០២០ និង២០២២), ឈ្នះមេដាយប្រាក់ស៊ីហ្គេម ឆ្នាំ២០២១, ទទួលបានជើងឯករងពាន King Cup, ឆ្លងផុតទៅកាន់ជុំចុងក្រោយ Asian Cup ឆ្នាំ២០២៣។

ការប្រកួតចុងក្រោយរបស់លោកគឺបានយកឈ្នះសិង្ហបុរី ៣-១ វគ្គជម្រុះជុំទី២ World Cup ឆ្នាំ២០២៦ ក្នុងតំបន់អាស៊ី កាលពីថ្ងៃទី២១ ខែវិច្ឆិកា និងបញ្ចប់កុងត្រានៅថ្ងៃទី២២ ខែវិច្ឆិកា។

ក្រុមជម្រើសជាតិថៃក៏ជាប់កាតព្វកិច្ចក្នុងការប្រកួតវគ្គសំន្សពិន្ទុក្នុងពូលពានរង្វាន់ AFC Asian Cup ឆ្នាំ២០២៣ នាពេលខាងមុខដែលស្ថិតក្នុងពូល F រួមមានអារ៉ាប៊ីសាអ៊ូឌីត កៀហ្ស៊ីស៊ីស្ថាន និងអូម៉ង់ គ្រោងចាប់ផ្ដើមនៅថ្ងៃទី១៦ ខែមករា ឆ្នាំ២០២៤។ ឆ្នាំ២០២៤ ថៃក៏ត្រូវបន្តភារកចិ្ចរបស់ខ្លួនក្នុងវគ្គជម្រុះ World Cup ឆ្នាំ២០២៦ ដែលស្ថិតក្នុងពូល C មានកូរ៉េខាងត្បូង ចិន និង សិង្ហបុរី៕