កីឡា

លីគបាល់ទះដំបូង ក្រុម៨ចូលរួមប្រកួតសុទ្ធតែទទួលបានប្រាក់ឧបត្ថម្ភ

បានផុស

២ years មុន

នៅ

ថ្ងៃចន្ទ ២៥ ធ្នូ ២០២៣

ដោយ

សហព័ន្ធកីឡាបាល់ទះកម្ពុជាបានរៀបចំសន្និសីទសារព័ត៌មានស្តីពីការប្រកួតលីគបាល់ទះកំពូល ហៅកាត់«តេជោលីគ» រដូវកាលដំបូងឆ្នាំ២០២៤ បន្ទាប់ពីវិស័យបាល់ទះកម្ពុជាមានវត្តមានរាប់សិបឆ្នាំហើយ។

លោក អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជាបានលើកឡើងក្នុងសន្និសីទសារព័ត៌មាននៅរសៀល ថ្ងៃចន្ទ ទី២៥ ខែធ្នូ ឆ្នាំ២០២៣ថា នេះជាព្រឹត្តិការណ៍ប្រវត្តិសាស្ត្រដំបូងក្នុងវិស័យកីឡាបាល់ទះកម្ពុជាដែលរៀបចំឲ្យលីគបាល់ទះកំពូលកម្ពុជា។ ការរៀបចំឲ្យមានលីគកំពូលកម្ពុជានេះជាផ្នែកមួយដ៏ចាំបាច់បំផុតដែលជំរុញ និងអភិវឌ្ឍគុណភាពបាល់ទះកម្ពុជាទាំងក្លិប និងក្រុមជម្រើសជាតិ។

លោកអគ្គលេខាធិការបានឲ្យដឹងថា ការប្រកួតរដូវកាលទី១នេះមានក្លិបបាល់ទះអាជីពចំនួន៨ចូលរួមប្រកួត។ ក្រុមនីមួយៗនឹងទទួលបានប្រាក់ឧបត្ថម្ភពីសហព័ន្ធចាប់តាំងពីពេលដែលក្រុមទាំង៨មានឈ្មោះចូលរួមប្រកួត។ ការប្រកួតត្រូវបានកំណត់៣ជុំ។ ជុំទី១ ការប្រកួតវិលជុំសន្សំពិន្ទុដោយក្រុមទាំង៨ប៉ះគ្នា។

បន្ទាប់ពីចប់ជុំទី១ ក្រុមទាបជាងគេ២ត្រូវកាត់ចេញ និងយកក្រុម៦បន្តប្រកួតវគ្គវិលជុំសន្សំពិន្ទុដោយក្រុមទាំង៦ប៉ះគ្នាទាំងអស់ទៀត។ ក្រោយចប់ជុំទី២ ក្រុម២ត្រូវបានកាត់ចេញ និងក្រុមកំពូលទាំង៤ឡើងទៅជុំទី៣។ ការប្រកួតនៅជុំទី៣ ក្រុមទាំង៤ត្រូវប្រកួតវគ្គពាក់កណ្តាលផ្តាច់ព្រ័ត្រ និង២ក្រុមឡើងវគ្គផ្តាច់ព្រ័ត្រតែម្តង។

ការប្រកួតចាប់ពីថ្ងៃទី១២ ខែមករា ដល់ទីថ្ងៃ១៨ ខែកុម្ភៈ ឆ្នាំ២០២៤។

សម្រាប់ក្រុមដែលបានក្លាយជាជើងឯកនឹងទទួលបានប្រាក់រង្វាន់ចំនួន៦០លានរៀល (១៥០០០ដុល្លារ) ខណៈក្រុមនីមួយៗដែលប្រកួតនៅជុំទី១នឹងទទួលបានប្រាក់ឧបត្ថម្ភលើកទឹកចិត្ត១លានដូចគ្នា ដូច្នេះមានន័យថា មានតែក្រុម២ប៉ុណ្ណោះដែលទទួលបាន២លានដូចគ្នា។ ក្រុមចំនួន៦ដែលបានឡើងជុំទី២នឹងទទួលបានប្រាក់បន្ថែម២លានរៀលបន្ថែម ហើយក្រុម៤ដែលបានឡើងវគ្គពាក់កណ្តាលផ្តាច់ព្រ័ត្រនឹងទទួលបានប្រាក់២លានរៀលបបន្ថែម។