Connect with us

កីឡា

ឯកឧត្តម ឌី វិជ្ជា បានសម្រេចបង្កើតពាន«ស្វាយរៀងស៊ុបភើខាប់» និងពាននារីថែមទៀត

បានផុស

នៅ

ឯកឧត្តមឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្ដាលសន្តិសុខ​បាន​បាន​សម្រេច​​​បង្កើត​ពាន​រង្វាន់«ស្វាយរៀងស៊ុបភើខាប់ (Svay Rieng Super Cup)»​ បន្ទាប់​ពី​ទទួល​បាន​ការ​គាំទ្រ​ច្រើន​ពី​មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​រសៀល​ថ្ងៃ​ទី​១២ ខែ​មករា ឆ្នាំ​២០២៤  ​​ឯកឧត្តម ឌី វិជ្ជា បាន​ឲ្យ​ដឹង​ថា ៖«បន្ទាប់ពីធ្វើការស្ទង់មតិ កាលពីថ្ងៃម្សិលមិញលើផេកហ្វេសបុគផ្ទាល់ខ្លួនរបស់ខ្ញុំ ចំពោះការរៀបចំការប្រកួតបាល់ទាត់ «ស្វាយរៀងស៊ុបភើខាប់» ខ្ញុំបានកត់សម្គាល់ឃើញថា ការចូលរួមមតិរបស់បងប្អូនខេត្តស្វាយរៀង ភាគច្រើនបានគាំទ្រ ឱ្យមានការរៀបចំការប្រកួតមួយនេះ ដូច្នេះខ្ញុំសម្រេចថា នឹងធ្វើការរៀបចំពានរង្វាន់ “ស្វាយរៀងស៊ុបភើខាប់ (Svay Rieng Super Cup)” នៅក្នុងឆ្នាំ២០២៤ ក្រោយចប់ការប្រកួតពានរង្វាន់ ស្វាយរៀងខាប់ រដូវកាលនេះ»។

មិន​ត្រឹម​តែ​ប៉ុណ្ណោះ ឯកឧត្តមបាន​​បន្ថែម​ឲ្យ​មាន​ការ​រៀប​ចំ​ពាន​រង្វាន់​សម្រាប់​កីឡាការិនី​​បាល់ទាត់​ថែម​ទៀត បន្ទាប់​ពី​មាន​ការ​សំណូមពរ​ច្រើន។ ការ​ប្រកួត​ពាន​រង្វាន់​នារី​គ្រោង​ធ្វើ​នៅ​ដើមខែមីនា ឆ្នាំ២០២៤។

ជា​មួយ​​គ្នា​នេះ ​ក៏​មាន​សំណូម​ពរ​របស់​មហា​ជន​អំពី​ការ​ឲ្យ​មាន​ពាន​រង្វាន់​សម្រាប់កុមារ ឯកឧត្តម​​សប្បាយចិត្តនឹងទទួលយក និង​​ចាត់ឱ្យក្រុមការងារបច្ចេកទេសពិភាក្សា និងសិក្សាឱ្យបានច្បាស់លាស់បន្ថែមទៀត មុននឹងដាក់ចេញឱ្យមានការប្រកួតពានសម្រាប់កុមារ។

ចុង​ក្រោយ ឯកឧត្តម ឌី វិជ្ជា មាន​ប្រសាសន៍​ថា ៖«ខ្ញុំ​សូម​ថ្លែងអំណរគុណ ចំពោះបងប្អូនសាធារណជន ក៏ដូចជាបងប្អូនអ្នកស្វាយរៀង និងអ្នកគាំទ្រស្រលាញ់វិស័យកីឡាបាល់ទាត់ទាំងអស់ ដែលបានចូលរួម និងខមមិនឆ្លើយតបមកវិញគាំទ្រ និងជាមតិនានា ដើម្បីឱ្យខ្ញុំ និងក្រុមការងារ យកទៅរៀបចំការប្រកួតពានរង្វាន់ “ស្វាយរៀងស៊ុបភើខាប់ (Svay Rieng Super Cup)” នេះ។ ក៏សូមអរគុណចំពោះបណ្តាអង្គភាពសារព័ត៌មាននានា ដែលបានចូលរួមចែករំលែកនូវសារដែលខ្ញុំបានបង្ហោះនេះផងដែរ»។

ខេត្ត​ស្វាយរៀងបាន​បង្កើត​ពាន​រង្វាន់​ជា​បន្ត​បន្ទាប់​​ក្នុង​រយៈ​ពេល​ប៉ុន្មាន​ឆ្នាំ​ចុង​ក្រោយ​​សម្រាប់​​យុវជន​​ដែល​ស្រឡាញ់​ចូល​ចិត្ត​លេង​បាល់ទាត់។ ជា​ពិសេសពាន​រង្វាន់ស្វាយរៀង​ខាប់​​ត្រូវ​បាន​បង្កើត​ឈាន​ដល់​រដូវ​កាល​ទី​៦ ស្វាយរៀង​ខាប់​អាយុ​ក្រោម​១៨​ឆ្នាំ និង​ស្វាយរៀង​ខាប់​អាយុ​ក្រោម​១៥​ឆ្នាំ​ជា​ដើម៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ត្រៀមសម្រួលដល់ពលករកម្ពុជា មានបំណងមកស្រុកកំណើត អំឡុងចូលឆ្នាំខ្មែរ តាមច្រកទ្វារអន្តរជាតិកម្ពុជា-ថៃ

សន្តិសុខសង្គម១២ នាទី មុន

នគរបាលជាតិក្រសួងមហាផ្ទៃបង្ក្រាបបទល្មើស ៣៦ករណី ឃាត់ខ្លួនមនុស្សជាង ៨០នាក់

ព័ត៌មានអន្ដរជាតិ២៣ នាទី មុន

សីតុណ្ហភាពថ្ងៃត្រង់នៅ ថៃ ឡើងដល់ ៤០ អង្សាសេ តែពេលល្ងាចបែរជា​អាចមានផ្គររន្ទះ

ព័ត៌មានជាតិ៣៣ នាទី មុន

ដីជាង ៤៣ ហិកតា នៅ​ភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ

ព័ត៌មានជាតិ៤៦ នាទី មុន

កម្ពុជា ជំរុញ អាស៊ាន ពង្រឹងកិច្ចសហប្រតិបត្តិការវិស័យអប់រំ ជំនាញសតវត្សទី ២១ និងជំនាញឌីជីថល ក្នុងសករាជ AI

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៤ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម២០ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម