កីឡា

មកដឹង៣សំឡេងពីកម្ពុជា ស្របពេល Messi ឈ្នះពានកីឡាករឆ្នើមប្រចាំឆ្នាំ២០២៣

បានផុស

២ years មុន

នៅ

ថ្ងៃអង្គារ ១៦ មករា ២០២៤

ដោយ

ប្រធានក្រុមបាល់ទាត់ជម្រើសជាតិកម្ពុជា គួច សុកុម្ភៈ និងលោក Félix គ្រូបង្វឹកបាល់ទាត់ជម្រើសជាតិកម្ពុជាបានបោះឆ្នោតឲ្យ Lionel Messi ស្ថិតនៅលំដាប់លេខ១សម្រាប់ពានរង្វាន់កីឡាករបាល់ទាត់ឆ្នើមប្រចាំឆ្នាំ២០២៣ ខណៈលោក អ៉ឹង ចំរើន តំណាងអ្នកសារព័ត៌មានកម្ពុជាបានបោះឆ្នោតឲ្យកីឡាករ Erling Haaland ស្ថិតនៅលំដាប់លេខ១សម្រាប់ពានរង្វាន់បាល់ទាត់ឆ្នើមប្រចាំឆ្នាំ២០២៣។

ជាលទ្ធផល ប្រធានក្រុមជម្រើសជាតិអាហ្សង់ទីន Lionel Messi បានឈ្នះពានរង្វាន់កីឡាករបាល់ទាត់ឆ្នើមប្រចាំឆ្នាំ២០២៣ (The FIFA Men’s Player 2023) បន្ទាប់ពីទទួលសំឡេងបោះឆ្នោតចំនួន៤៨ពិន្ទុស្មើនឹងតារាឆ្នើម Erling Haaland ដែលទទួលបាន៤៨សំឡេងដែរ ប៉ុន្តែរូបគេជាអ្នកឈ្នះដោយផ្អែកលើការបោះឆ្នោតពីប្រធានក្រុមជម្រើសជាតិទាំងអស់ច្រើនជាង។

ពានរង្វាន់កីឡាករបាល់ទាត់ឆ្នើមប្រចាំឆ្នាំ២០២៣ កីឡាករ គួច សុកុម្ភៈ ក្នុងនាមជាប្រធានក្រុមបាល់ទាត់ជម្រើសជាតិកម្ពុជាបានបោះឆ្នោតលេខ១ឲ្យ Lioneel Messi, លេខ២ឲ្យ Erling Haaland និងលេខ៣ឲ្យ Kevin De Bruyne។

ចំណែក លោក Félix Agustin Gonzalez Dalmás គ្រូបង្វឹកក្រុមបាល់ទាត់ជម្រើសជាតិកម្ពុជា បានបោះឆ្នោតលេខ១ឲ្យ Lionel Messi, លេខ២ឲ្យ Erling Haaland និងលេខ៣ឲ្យ Julian Alvarez។

ដោយឡែក លោក អ៉ឹង ចំរើន តំណាងឲ្យអ្នកសារព័ត៌មានកីឡាកម្ពុជាបោះឆ្នោតលេខ១ឲ្យ Erling Haaland, លេខ២ឲ្យ Lionel Messi និងលេខ៣ឲ្យ Khicha Kvaratskelia។

សម្រាប់ចំណាត់ថ្នាក់កំពូល៣រូបគឺកីឡាករ Lionel Messi (៤៨ពិន្ទុ) របស់ជម្រើសជាតិអាហ្សង់ទីន កីឡាករ Erling Haaland (៤៨ពិន្ទុ) របស់ជម្រើសជាតិន័រវេស និងកីឡាករ Kylian Mbappe (៣៥ពិន្ទុ) របស់ជម្រើសជាតិបារាំង៕