កីឡា

យុវជនសម្បត្តិមានជ័យប៉ះពពែតអេហ្វស៊ីប្រជែងកំពូលតារាងពូល ខ ស្វាយរៀងខាប់

បានផុស

៥ ខែ មុន

នៅ

ថ្ងៃសុក្រ ១៩ មករា ២០២៤

ដោយ

ក្រុមបាល់ទាត់យុវជនសម្បត្តិមានជ័យប្រជែងមួយក្រុមពពែតអេហ្វស៊ីដើម្បីឈរលើកំពូលតារាងពូល ខ ក្នុងសប្តាហ៍ទី៤ ពានរង្វាន់ស្វាយរៀងខាប់ លើកទី៦ នាថ្ងៃសៅរ៍ ទី២០ ខែមករា ឆ្នាំ២០២៤ នៅវិទ្យាល័យស្វាយរំពារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតលើកទី២សម្រាប់ក្រុមទាំងពីរ បន្ទាប់ពីលើកទី១មិនទាន់ស្គាល់បរាជ័យដូចគ្នា។ យុវជនសម្បត្តិមានជ័យរកបាន៣ពិន្ទុពេញពីការប្រកួតលើកទី១ដែលបានយកឈ្នះលើក្រុម យុវជនច្រកលាវ ដោយលទ្ធផល ២-០ ដើម្បីឈរលើកំពូលតារាងពូល ខ។ ចំណែកក្រុមពពែត អេហ្វស៊ី រកបានតែ១ពិន្ទុប៉ុណ្ណោះសម្រាប់ការប្រកួតសន្សំពិន្ទុលើកទី១ បន្ទាប់ពីស្មើគ្នាជាមួយក្រុម យុវជនភូមិព្រៃធ្លក ដោយលទ្ធផល ២-២។ យ៉ាងណា ក្រុមនេះឈរចំណាត់ថ្នាក់លេខ២ក្នុងពូល។

ការប្រកួតលើកទី២ដែលត្រូវនឹងការប្រកួតសប្តាហ៍ទី៤ វគ្គសន្សំពិន្ទុក្នុងពូលនេះ ក្រុមយុវជនសម្បត្តិមានជ័យ ត្រូវស្វែងរកពិន្ទុឲ្យខាងតែបានដើម្បីបន្តឈរលើកំពូលតារាង ប៉ុន្តែប្រសិនបើភ្លាត់ចាញ់ នោះតំណែងកំពូលតារាងនឹងធ្លាក់ពីលេខ១ ហើយក្រុមពពែតអេហ្វស៊ីនឹងឡើងទៅឈរលើកំពូលតារាង។

ក្រៅពីការប្រកួតគូខាងលើ ក៏មាន៥គូផ្សេងទៀតដែលត្រូវប្រកួតក្នុងសប្តាហ៍ទី៤នៅលើទីលានវិទ្យាល័យស្វាយរំពារនៅថ្ងៃសៅរ៍ ទី២០ ខែមករា និងថ្ងៃអាទិត្យ ទី២១ ខែមករា។