Connect with us

កីឡា

សោកស្ដាយកីឡាករ​បាល់ទាត់១រូប​ត្រូវ​រន្ទះបាញ់​ស្លាប់​ក្នុង​ពេល​ប្រកួត​

បានផុស

នៅ

រឿងរ៉ាវដ៏គួរឲ្យភ្ញាក់ផ្អើលកីឡាករ​បាល់ទាត់ម្នាក់​បាន​ស្លាប់​ក្នុង​ប្រទេស​ឥណ្ឌូណេស៊ី​ បន្ទាប់​ពី​ត្រូវ​រន្ទះ​បាញ់​ពេល​កំពុង​ប្រកួត​នៅ​លើ​ទីលាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូមួយបានថតបានពេលដែលបុរសអាយុ៣៥ឆ្នាំត្រូវបានវាយប្រហារដោយរន្ទះធ្វើឲ្យដួលនៅ​លើ​ទី​លាន ខណៈមិត្តរួមក្រុម​ផ្សេង​ទៀត​ក៏​បាន​ដួលភ្លាមដែរ។ បុរស​រងគ្រោះ​ដល់បាត់ជីវិតមានឈ្មោះ Septian Raharja មកពី Subang ក្នុង Bandung ភាគខាងលិច Java។ ឧបទ្ទវហេតុដ៏សោកសៅនេះបានកើតឡើងក្នុងអំឡុងពេលការប្រកួតបាល់ទាត់មិត្តភាព​រវាងក្រុម 2 FLO FC Bandung និង FBI Subang នៅកីឡដ្ឋាន Siliwangi។

សេចក្តីរាយការណ៍ដោយប្រព័ន្ធផ្សព្វផ្សាយក្នុងស្រុក PRFM News បញ្ជាក់ថា គាត់នៅមានដង្ហើមនៅឡើយ បន្ទាប់ពីត្រូវរន្ទះបាញ់ ហើយត្រូវបានបញ្ចូនទៅកាន់មន្ទីរពេទ្យក្នុងស្រុកយ៉ាងប្រញាប់ ប៉ុន្តែ​បន្ទាប់​មក​ក៏​បាត់​បង់​ជីវិត។

នេះ​ជា​លើក​ទី​២​​​ដែល​កីឡាករ​បាល់ទាត់​ឥណ្ឌូណេស៊ី​ត្រូវ​រន្ទះបាញ់​ក្នុង​រយៈពេល​១២​ខែ​ចុង​ក្រោយ​។ ក្នុងនោះកីឡាករបាល់ទាត់វ័យក្មេង Bojonegoro នៅខេត្ត​ East Java ត្រូវបានរន្ទះបាញ់​ពេលប្រកួត Soeratin U-13 Cup ក្នុងឆ្នាំ២០២៣។ រូបគេបានគាំងបេះដូង និង​ត្រូវបានបញ្ចូនទៅមន្ទីរពេទ្យដើម្បីព្យាបាល។ គាត់​មិន​គ្រោះ​ថ្នាក់​ដល់​អាយុ​ជីវិត​ទេ​ បន្ទាប់ពី​ជួយ​សង្គ្រោះ​បឋម​ និងបានដឹងខ្លួន​វិញ​ប្រហែល២០នាទីក្រោយ៕

ប្រែសម្រួល៖ ផា រតនា
ប្រភព៖ Mirror

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម