កីឡា

ក្រុមនគរបាលស្វាយរៀង លត់ក្រុមបាទី ចាស់ដៃ ១១-១ ជើងឯកស្វាយរៀងខាប់

បានផុស

២ years មុន

នៅ

ថ្ងៃអាទិត្យ ៣ មីនា ២០២៤

ដោយ

ក្រុមស្នងការដ្ឋាននគរបាលខេត្តស្វាយរៀងរកបានគ្រាប់បាល់ច្រើនគេសម្រាប់ការប្រកួតស្វាយរៀងខាប់រដូវកាលទី៦ សប្តាហ៍ទី១០ តាមរយៈជ័យជម្នះ១១-១ លើក្រុមសសយក បាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតទាំង៦គូធ្វើនៅលើទីលានវិទ្យាល័យស្វាយរំពារ វេលាម៉ោង៨ព្រឹក ថ្ងៃសៅរ៍ ទី២ ខែមីនា ឆ្នាំ២០២៤ ក្រុមគោព្រៃភូមិស្វាយធំរកបាន៣ពិន្ទុតាមរយៈជ័យជម្នះលើ ក្រុមយុវជន គគីសោម ៤-២។ វេលាម៉ោង១:៣០នាទី រសៀល ក្រុមយុវជនសាមគ្គី ទទួលបាន៣ពិន្ទុ បន្ទាប់ពីយកឈ្នះលើក្រុម ហង្ស សំណាង ២-០ ខណៈម៉ោង៤រសៀល ក្រុម M.S.T FC បានយកឈ្នះក្រុម ជំពាមយក្សអង្គស្វាយ ៤-០ ដើម្បីបាន៣ពិន្ទុបន្ថែម ។

នៅថ្ងៃអាទិត្យ ទី៣ ខែមីនា ឆ្នាំ២០២៤ ក្រុមស្វាយទាប អេហ្វស៊ី រកបាន៣ពិន្ទុទាំងលំបាក បន្ទាប់ពីបានយកឈ្នះលើ សសយក ស្រុករមាសហែក ២-១ កាលពីវេលាម៉ោង៨ព្រឹក ខណៈក្រុម ឆ្មាបុងបុង រកបរាជ័យយ៉ាងធ្ងនធ្ងរក្រោមថ្វីជើង ក្រុមដារ៉ូពិទូ សុខសាន្ត ដោយលទ្ធផល ០-៦ វេលាម៉ោង១:៣០នាទីរសៀល និងវេលាម៉ោង៤រសៀល ក្រុមស្នងការដ្ឋាននគរបាលខេត្តស្វាយរៀង បានលត់ក្រុម សសយក បាទី យ៉ាងចាស់ដៃ ១-១១។

ឆ្លងកាត់១០សប្តាហ៍កន្លងទៅ មានក្រុមជាច្រើនទទួលបានពិន្ទុខ្ពស់ជាងគេ និងបានកក់កៅអីឡើងវគ្គ១៦ក្រុមចុងក្រោយ ហើយក៏មានក្រុមជាច្រើនទៀតកំពុងប្រជែងគ្នាក្នុងចំណោមក្រុមទាំង៤០ដែលត្រូវបានបែងចែកជា៨ពូល។ ព្រឹត្តិការណ៍បាល់ទាត់ពានរង្វាន់ស្វាយរៀងខាប់ លើកទី៦ បានចាប់ផ្តើមកាលពីថ្ងៃទី២៣ ខែធ្នូ ឆ្នាំ២០២៣៕