ក្រុមនគរបាលស្វាយរៀងលត់ក្រុមឆ្មាបុងបុង ២២-០ ស្វាយរៀងខាប់សប្តាហ៍ទី១២

ការ​ប្រកួត​ជើង​ឯក​ស្វាយរៀងខាប់​រដូវកាល​ទី​៦ ​វគ្គ​សន្សំ​ពិន្ទុ​ក្នុង​ពូល​ សប្តាហ៍​ទី​១២ ក្រុមស្នងការនគរបាលខេត្តស្វាយរៀង​ទទួល​បាន​ជ័យជម្នះ​យ៉ាង​ធំ​ធេង​ដោយ​បាន​លត់​ ក្រុមឆ្មាបុងបុង ដោយ​លទ្ធផល​ត​ដៃ​មិន​រួច​ ២២-០។

ទោះបីបានកក់កៅអីឡើងទៅវគ្គ១៦ក្រុមចុងក្រោយ​ហើយ​ក៏​ដោយ​ ប៉ុន្តែក្រុមស្នងការនគរបាលខេត្តស្វាយរៀង​នៅ​តែ​មិន​បន្ធូរ​ដៃ​​ដើម្បី​រក្សា​កំណត់ត្រា​ជ័យជម្នះ​៤ប្រកួតជាប់គ្នា មាន១២ពិន្ទុឈរលេខ១ ក្នុងពូល“ច”។ គ្រាប់ទាំង២២គ្រាប់ រកបានដោយកីឡាករដោយកីឡាករ៤រូបផ្សេងគ្នា ក្នុងនោះកីឡាករ ថន ដារ៉ាពេជ្រ រកបាន១៨គ្រាប់ម្នាក់ឯង ខណៈកីឡាករ មាយ ឆដារ៉ាវុធត រកបាន១គ្រាប់ កីឡាករ សក អង្គារវង្ស រកបាន១គ្រាប់ និងកីឡាករ ភោគ សីហា រកបាន២គ្រាប់។

លទ្ធផលប្រកួតសប្ដាហ៍ទី១២ ថ្ងៃសៅរ៍ ទី១៦ ខែមីនា ឆ្នាំ​២០២៤

• ក្រុមសសយក ឃុំត្នោត ២-១០ ក្រុមCEFD FC
• ក្រុមហង្សសំណាង ០-៥ ក្រុមគោព្រៃភូមិស្វាយធំ
• ក្រុមរាជសីហ៍ ស្វាយរំពារ ០-៣ ក្រុមយុវជនសាមគ្គី

លទ្ធផល​សប្តាហ៍​ទី​១២ ថ្ងៃអាទិត្យ ទី១៧ ខែមីនា ឆ្នាំ​២០២៤

• ក្រុមសសយក ស្រុករមាសហែក ១០-២ ក្រុមM.S.T FC
• ក្រុមកាំភ្លើងធំ ១-១ ក្រុមស្វាយទាប FC
• ក្រុមស្នងការដ្ឋាននគរបាលខេត្តស្វាយរៀង ២២-០ ក្រុមឆ្មាបុងបុង

អត្ថបទ៖ ផា រតនា​