កីឡា
លោក Xavi ថា ក្ដីសង្ឃឹមរបស់ Barcelona ត្រូវបានបំផ្លាញដោយអាជ្ញាកណ្ដាល
គ្រូបង្វឹកក្រុម Barcelona លោក Xavi Hernández បានខឹងសម្បារយ៉ាងខ្លាំងចំពោះអាជ្ញាកណ្ដាល ក្រោយផ្ដល់កាតក្រហមឲ្យខ្សែការពារ Ronald Araújo ជាហេតុធ្វើឲ្យក្រុមរបស់លោកត្រូវបានធ្លាក់ចេញពី Champions League ក្នុងវគ្គ៨ក្រុមចុងក្រោយ បន្ទាប់ពីចាញ់ក្រុម Paris Saint-Germain ៤-១ ក្នុងជើងទី២។
![](https://www.kampucheathmey.com/wp-content/uploads/2024/04/Xavi-3-1024x683.jpg)
Xavi បាននិយាយថា អាជ្ញាកណ្តាលសញ្ជាតិរូម៉ានីលោក Istvan Kovacs ជាគ្រោះមហន្តរាយសម្រាប់ការប្រកួតយប់មិញ បន្ទាប់ពីក្រុមរបស់លោកនាំមុខ ១-០ ប៉ុន្តែអ្វីបានផ្លាស់ប្ដូរទាំងស្រុង បន្ទាប់ពីនាទី២៩ ខ្សែការពារឆ្នើម Araújo ទទួលបានកាតក្រហម ធ្វើឲ្យក្រុម Barcelona មានតែសមាជិក១០នាក់លើទីលាន។
លោក Xavi បាននិយាយថា ៖«យើងមានការរំខានខ្លះ បន្ទាបប់ពីទទួលបានកាតក្រហម។ យើងរៀបចំយ៉ាងល្អពេលលេង១១នាក់ដំបូង ប៉ុន្តែអ្វីៗវាបានផ្លាស់ប្តូរទាំងស្រុង។ សម្រាប់ខ្ញុំហាក់ពិបាកទទួលយកដែល Araújo ត្រូវបានបណ្ដេញចេញ។ អាជ្ញាកណ្តាលពិតជាកាត់សេចក្ដីអាក្រក់ណាស់។ ខ្ញុំបានប្រាប់គាត់ថា គាត់គឺជាគ្រោះមហន្តរាយ។ គាត់បានបំផា្លញក្ដីសង្ឃឹមយើង។ ខ្ញុំមិនចូលចិត្តនិយាយអំពីអាជ្ញាកណ្តាលទេ ប៉ុន្តែត្រូវតែនិយាយ ពីព្រោះខ្ញុំមិនយល់អំពីការកាត់ក្ដីបែបនេះទេ»។
![](https://www.kampucheathmey.com/wp-content/uploads/2024/04/17133002083242-1024x683.jpg)
លោក Xavi ក៏ត្រូវបានបណ្ដេញចេញក្នុងវគ្គទី២ សម្រាប់ការតវ៉ាចំពោះការសម្រេចចិត្តមិនផ្តល់បាល់ពិន័យសម្រាប់ការប្រជែងរបស់ខ្សែការពារ Marquinhos លើទៅខ្សែបម្រើ Ilkay Gündogan។
សរុបទាំងពីរជើង Bacelona បានចាញ់ PSG ដោយលទ្ធផល ៤-៦ ដូច្នេះ PSG បានឡើងទៅកាន់វគ្គពាក់កណ្តាលផ្តាច់ព្រ័ត្រជួបក្រុមអាល្លឺម៉ង់ Dortmund៕
ប្រែសម្រួល៖ ផា រតនា
ប្រភព៖ ESPN
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ