កីឡា
យប់នេះជាឱកាសឡើងទៅវគ្គ៤ក្រុមចុងក្រោយរបស់ Arsenal ក្រោយខកខាន១៥ឆ្នាំ
ក្រុមកាំភ្លើងធំ Arsenal ត្រូវជួបជាក្រុម Bayern Munich ក្នុងការប្រកួតជើងទី២ ក្នុងពានរង្វាន់ UEFA Champions League ម៉ោង២យប់រំលងអធ្រាតឈានចូលថ្ងៃទី១៨ ខែមេសា ឆ្នាំ២០២៤។
![](https://www.kampucheathmey.com/wp-content/uploads/2024/04/437541535_968989614598493_466565895349637874_n-1024x704.jpg)
ក្រុមតំណាងឲ្យអង់គ្លេសក្នុងពានរង្វាន់លំដាប់ទី១នៅអឺរ៉ុប Arsenal បានខកខានឡើងទៅវគ្គពាក់កណ្ដាលផ្ដាច់ព្រ័ត្រ UEFA Champions League អស់រយៈពេល១៥ឆ្នាំហើយ។ កាលពី២០០៩ ជាឆ្នាំចុងក្រោយដែលក្រុម Arsenal បានឡើងដល់វគ្គពាក់កណ្ដាលផ្ដាច់ព្រ័ត្រក្នុងពានរង្វាន់ UCL ពេលនោះ Arsenal ស្ថិតនៅលេខ២ក្នុងពូល G ក្រោយបញ្ចប់ការប្រកួតសន្សំពិន្ទុ។ វគ្គ១៦ក្រុមចុងក្រោយ ពួកគេបានយកឈ្នះ Roma ដោយបាល់ទាត់ពិន័យ១១ម៉ែត្រ ៧-៦ ក្រោយសរុបទាំងពីរស្មើគ្នា ១-១។ នៅវគ្គ៨ក្រុមចុងក្រោយ Arsenal បន្ដយកឈ្នះក្រុម Villarreal ក្នុងលទ្ធផល ៤-១ សរុបទាំង២ជើង ប៉ុន្តែនៅវគ្គពាក់កណ្ដាលផ្ដាច់ព្រ័ត្រ Arsenal បានបរាជ័យក្រោមថ្វីជើងក្រុមរួមលីគ Manchester United ក្នុងលទ្ធផល ៤-១ សរុបទាំង២ជើង។ គិតចាប់តាំងពីឆ្នាំ២០០៩ Arsenal មិនដែលឡើងដល់វគ្គពាក់កណ្ដាលផ្ដាច់ព្រ័ត្រក្នុងពានរង្វាន់ UEFA Champions League ទេ។
![](https://www.kampucheathmey.com/wp-content/uploads/2024/04/Ronaldo-v-Arsenal.webp)
ការប្រកួតយប់នេះក្នុងកីឡដ្ឋាន Allianz Arena ក្រុម Arsenal ជាក្រុមភ្ញៀវ ហើយត្រូវការជ័យជម្នះជាចាំបាច់ដើម្បីធានាកៅអីឡើងទៅវគ្គពាក់កណ្ដាលផ្ដាច់ព្រ័ត្រពានរង្វាន់លំដាប់ទី១ទ្វីបអឺរ៉ុប។ កាលពីជើងទី១ នៅកីឡដ្ឋាន Emirates ក្នុងប្រទេសអង់គ្លេស ក្រុមទាំង២បានត្រឹមស្មើគ្នា ២-២។
ប្រវត្តិជួបគ្នា១៣ ក្រុម Bayern Munich ឈ្នះ៧លើក ស៊ុតបញ្ចូលទីបាន២៩គ្រាប់ ខណៈក្រុម Arsenal ឈ្នះ៣លើក ស៊ុតបញ្ចូលទី១៥គ្រាប់ និងស្មើគ្នា៣លើក។ ចំពោះប្រវត្តិក្នុងពានរង្វាន់ UEFA Champions League ក្រុម Bayern Munich ធ្លាប់ឈ្នះជើងឯក៦លើក ខណៈក្រុម Arsenal មិនធ្លាប់ឈ្នះជើងឯកទេ។
យប់នេះមិនមែនជារឿងងាយស្រួលសម្រាប់ក្រុមមកពីទឹកដីអង់គ្លេស ក្នុងការយកឈ្នះក្រុមខ្លាំងអាល្លឺម៉ង់ ដែលពោរពេញដោយមានបទពិសោធក្នុងពានរង្វាន់លំដាប់ទី១ទ្វីបអឺរ៉ុប៕
អត្ថបទ៖ ផា រតនា
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ