ស្វាយរៀងខាប់រកឃើញក្រុមខ្លាំងប៉ះគ្នាវគ្គ៨ក្រុមចុងក្រោយ

ការប្រកួត​ស្វាយរៀងខាប់ ​រដូវ​កាល​ទី​៦​ បានបញ្ចប់​វគ្គ​១៦​ក្រុម​ចុង​ក្រោយ​ហើយ​ដោយ​រក​បាន​ក្រុម​​ឡើង​វគ្គ​៨​ក្រុម​ចុង​ក្រោយ។

ក្រោយឆ្លងកាត់ការប្រកួតទាំង២សប្ដាហ៍ក្នុងវគ្គ១៦ក្រុមចុងក្រោយ ពានរង្វាន់ស្វាយរៀងខាប់រដូវកាលទី៦ រកឃើញក្រុមទាំង៨ឡើងទៅវគ្គបន្ដ។ លទ្ធផលក្នុងវគ្គ១៦ក្រុមចុងក្រោយ ក្រុមព្រះ​ខ័ន​រាជ​ស្វាយរៀង U18 យកឈ្នះក្រុម ពូប្រុស លីងគួយ ៤-០, ក្រុមស្នងការដ្ឋាន​នគរ​បាល​ខេត្ត​ស្វាយរៀង យកឈ្នះក្រុមកាំភ្លើងធំ ២-១, ក្រុមសៀងហៃរីហ្សត យកឈ្នះក្រុម យុវជន​ឃុំសម្បត្តិមានជ័យ (ប៉េណាល់ទី ៥-៤) ក្រោយស្មើគ្នា ១-១។

ក្រុមនគរ​បាល​ច្រកទ្វារ​ព្រំដែន​បាវិត ឈ្នះក្រុមដារ៉ូពិទូ សុខសាន្ត ២-១, ក្រុម UNITED SEZ យកឈ្នះក្រុមគោព្រៃភូមិស្វាយធំ ៤-១, ក្រុមសសយក ក្រុងបាវិត យកឈ្នះក្រុមភូមិហុីង ៣-១, ក្រុមស្វាយទាប FC យកឈ្នះក្រុម CRS SPORT ២-០ និងចុងក្រោយក្រុមយុវជនសាមគ្គី យកឈ្នះក្រុមរមាសក្រហម ៦-៣។

ការប្រកួតវគ្គ៨ក្រុមចុងក្រោយ

• ព្រះ​ខ័ន​រាជ​ស្វាយរៀង U18 vs ស្នងការដ្ឋាន​នគរ​បាល​ខេត្ត​ស្វាយរៀង
• សៀងហៃរីហ្សត vs នគរ​បាល​ច្រកទ្វារ​ព្រំដែន​បាវិត
• UNITED SEZ vs សសយក ក្រុងបាវិត
• ស្វាយទាប FC vs យុវជនសាមគ្គី

អត្ថបទ៖ ផា រតនា