កីឡា

កីឡាកាយវប្បកម្មកម្ពុជាឈ្នះមេដាយប្រាក់២ពីការប្រកួតជើងឯកអាស៊ាន

បានផុស

១ ខែ មុន

នៅ

ថ្ងៃចន្ទ ២០ ឧសភា ២០២៤

ដោយ

ក្រុមកីឡាកាយវប្បកម្ម និងលំហាត់ប្រាណកម្ពុជាបានឈ្នះមេដាយប្រាក់២គ្រឿងពីការប្រកួតកាយវប្បកម្មជើងឯកអាស៊ីអាគ្នេយ៍ នៅទីក្រុងវៀងច័ន្ទ ប្រទេសឡាវ ចាប់ពីថ្ងៃទី១៦ ដល់ទី២០ ខែឧសភា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឆឹង ណូរ៉ា បានដណ្តើមមេដាយប្រាក់១គ្រឿងសម្រាប់វិញ្ញាសា Men’s Athletic Physique កម្ពស់ក្រោម១.៦០ម៉ែត្រ និងកីឡាករ ស្រ៊ិន រាជ្យ បានឈ្នះមេដាយប្រាក់១គ្រឿងសម្រាប់វិញ្ញាសា Men’s Sports Physique កម្ពស់ចាប់ពី១.៧៥ម៉ែត្រឡើង។

កីឡាកររូបសង្ហា ស្រ៊ិន រាជ្យ ធ្លាប់ទទួលបានមេដាយ សំរឹទ្ធ ក្នុងការប្រកួតជើងឯកកីឡាកាយវប្បកម្រិតពិភពលោកកន្លងមក ហើយកីឡាករ ឆឹង ណូរ៉ា ធ្លាប់ចូលរួមការប្រកួតកម្រិតអាស៊ានទទួលបានមេដាយប្រាក់២គ្រឿង និងការប្រកួតកម្រិតអាស៊ី ទទួលបានមេដាយមាស១គ្រឿង។

សហព័ន្ធកីឡាកាយវប្បកម្ម និងលំហាត់ប្រាណកម្ពុជា ដែលមានលោក តិក ប៊ុនវី ជាប្រធានសហព័ន្ធ និងលោកស្រី អេមី សារីរ៉ុម ជាគ្រូបង្វឹក បានដឹកនាំកីឡាករ៥រូបគឺ ខាន់ ឆៃយ៉ា, ស្រ៊ិន រាជ្យ, ឆឹង ណូរ៉ា, ឆេង ច័ន្ទកក្កដា និងកីឡាករ ជីម ចន្ថា ដោយមានការអនុញ្ញាតពីក្រសួងអប់រំ យុវជន និងកីឡាជាផ្លូវការសម្រាប់ការចូលរួមប្រកួតជើងឯកកីឡាកាយវប្បកម្មអាស៊ីអាគ្នេយ៍ លើកទី១៨ នៅទីក្រុងវៀងច័ន្ទ ប្រទេសឡាវ ចាប់ពីថ្ងៃ១៦ ដល់ថ្ងៃទី២០ ខែឧសភា ឆ្នាំ២០២៤៕