Arsenal ជិត​ចុះកុងត្រានាំយកខ្សែការពារកណ្ដាល Calafiori

ក្លិបកាំភ្លើងធំ Arsenal ត្រូវបានគេរាយការណ៍ថា កាន់តែខិតជិតក្នុងការចុះហត្ថលេខា​នាំយកខ្សែការពារកណ្តាលសញ្ជាតិអុីតាលី Riccardo Calafiori ពីក្លិប Bologna ហើយ។

បន្ទាប់បង្ហាញទម្រង់លេងបានយ៉ាងល្អនៅក្លិប Bologna ក្រោមការដឹកនាំរបស់ Thiago Motta ជាពិសេសក្នុងព្រឹត្តិការណ៍ Euro ឆ្នាំ២០២៤ កីឡាករ Calafiori ត្រូវបានលោក Mikel Arteta គ្រូបង្វឹកក្លិប Arenal បានដាក់គោលដៅនាំយកខ្សែការពារកណ្ដាលរូបនេះ។

យោងតាមសារព័ត៌មាន ​​Corriere dello Sport ក្លិប Arsenal បានដាក់សំណើរទៅកាន់ក្លិប Bologna ក្នុងតម្លៃប្រមាណ៥៥លានអឺរ៉ូ បន្ទាប់ពួកគេដឹងថាក្លិប Bologna នៅ Serie A បានបដិសេធ​ចំពោះ​សំណើរ​តម្លៃក្រោម​៥០​លាន​អឺរ៉ូពីក្លិបផ្សេង។

យោងតាមរបាយការណ៍ពីអ្នកការសែត Fabrizio Romano ក្រុមកាំភ្លើងធំបានយល់ព្រមលើលក្ខខណ្ឌផ្ទាល់ខ្លួនជាមួយកីឡាករ Calafiori រួច​ហើយ។ ពួកគេបានផ្តល់​ប្រាក់ឈ្នួលប្រចាំឆ្នាំចំនួន៤លានអឺរ៉ូ ខ្ពស់ជាងប្រាក់ឈ្នួលរបស់ក្រុម Bologna បច្ចុប្បន្ន។ កីឡាករវ័យ២២ឆ្នាំរូបនេះត្រូវបានគេរំពឹងថានឹងចុះហត្ថលេខាលើកិច្ចសន្យារយៈពេល៤ឆ្នាំនៅជា​មួយ​ Arsenal៕

ប្រែសម្រួល៖ ផា រតនា