កីឡា
ម៉ាឡេស៊ីជាក្រុមគ្រោះថ្នាក់ក្នុងពាន SEA V. League Challenge
ក្រុមបាល់ទះជម្រើសជាតិម៉ាឡេស៊ីជាក្រុមមានសមត្ថភាពខ្ពស់ក្នុងការចូលរួមប្រកួតពានរង្វាន់សម្តេចធិបតី SEA V. League Challenge ឆ្នាំ២០២៤ នៅរាជធានីភ្នំពេញ ដែលមានក្រុមម្ចាស់ផ្ទះកម្ពុជា សិង្ហបុរី និងឡាវ។
បើប្រៀបធៀបកម្រិតសមត្ថភាពនៃក្រុមទាំង៤ឃើញថា ម៉ាឡេស៊ី ខ្ពស់ជាងគេដោយផ្អែកលើការប្រកួតក្នុងព្រឹត្តិការណ៍កីឡាស៊ីហ្គេម។ ការជួបគ្នា៣លើកចុងក្រោយក្នុងព្រឹត្តិការណ៍កីឡាស៊ីហ្គេម កម្ពុជា មិនធ្លាប់ឈ្នះ ម៉ាឡេស៊ី ឡើយ។
កីឡាស៊ីហ្គេម ឆ្នាំ២០១៣ កម្ពុជាបានចាញ់ ម៉ាឡេស៊ី ១-៣ (២៥-២២, ១៧-២៥, ១៨-២៥, និង ១៥-២៥)។ កីឡាស៊ីហ្គេម ឆ្នាំ២០១១ កម្ពុជាបានចាញ់ ម៉ាឡេស៊ី ១-៣ (២៣-២៥, ២៧-២៥, ២៣-២៥ និង ២៩-៣១) និងកីឡាស៊ីហ្គេម ឆ្នាំ២០១៧ កម្ពុជា បានចាញ់ ម៉ាឡេស៊ី ០-៣ (១៨-២៥, ២៨-៣០ និង ១៧-២៥)។
ចាប់តាំងពីកីឡាស៊ីហ្គេម កីឡាស៊ីហ្គេម ឆ្នាំ២០១៩មក កម្ពុជា និង ម៉ាឡេស៊ី មិនធ្លាប់ជួបគ្នាឡើយ។ សូម្បីនៅក្នុងការប្រកួតមិត្តភាពផ្សេងៗក៏ក្រុមទាំងពីរមិនធ្លាប់ជួបគ្នា ប៉ុន្តែក្រុមវិសាខា និងក្រុមរបស់ម៉ាឡេស៊ីធ្លាប់ជួបគ្នា។
បើនិយាយពីសមត្ថភាពនៅក្នុងព្រឹត្តិការណ៍កីឡាស៊ីហ្គេម ក្រុមបាល់ទះជម្រើសជាតិម៉ាឡេស៊ី ធ្លាប់ បានឈ្នះមេដាយតែ១គត់គឺ មេដាយប្រាក់ កាលពីឆ្នាំ២០០១ ខណៈកម្ពុជាធ្លាប់ឈ្នះមេដាយប្រាក់១ នៅឆ្នាំ២០២៣ និងមេដាយសំរិទ្ធ១នៅឆ្នាំ២០២១។
ក្រុមផ្សេងទៀតដែលចូលរួមប្រកួតពានរង្វាន់ SEA V. League Challenge ឆ្នាំ២០២៤នេះគឺ សិង្ហបុរី ធ្លាប់មេដាយសំរិទ្ធស៊ីហ្គេម២ដង និងធ្លាប់ជួបកម្ពុជាពីរលើកចុងក្រោយក្នុងកីឡាស៊ីហ្គេមគឺចាញ់ កម្ពុជា ៣-០ (២៥-១៤, ២៥-១៩ និង ២៥-២០)និងចាញ់ ៣-០ (២៥-១៩, ២៥-២៣ និង ២៥-១៦)។ ចំណែកក្រុមបាល់ទះជម្រើសជាតិឡាវមិនធ្លាប់ឈ្នះមេដាយស៊ីហ្គេមឡើយ ហើយក៏មិនសូវបានចូលរួមប្រកួតកីឡាស៊ីហ្គេមទៀងទាត់ដែរ។
និយាយរួម ក្នុងចំណោម៣ក្រុមផ្សេងទៀតគឺមានតែម៉ាឡេស៊ីដែលជាគ្រូប្រជែងជាមួយម្ចាស់ផ្ទះកម្ពុជាសម្រាប់ពានរង្វាន់ SEA V. League Challenge ប៉ុន្តែកុំភ្លេចថា រយៈពេលប៉ុន្មានឆ្នាំចុងក្រោយនេះ ក្រុមបាល់ទះកម្ពុជាមានការរីកចម្រើនច្រើន៕
អត្ថបទ៖ វីរបុត្រ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា