Son ជឿថា កូរ៉េខាងត្បូងនឹងឡើងជុំចុងក្រោយ World Cup លើទី១១ជាប់គ្នា

កីឡាករ Son Heung-min ជឿជាក់​លើ​ក្រុម​ជម្រើស​ជាតិ​កូរ៉េខាងត្បូង​របស់​ខ្លួន​នឹងឡើង​ទៅ​ជុំចុងក្រោយ​ជើង​​ឯក​ពិភព​លោក​ World Cup លើទី១១ជាប់គ្នា ប្រសិនបើពួកគេបន្តលេងដោយមានទំនុកចិត្ត ដូចក្នុងការប្រកួតទល់ក្រុមអូម៉ង់កាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រកូរ៉េខាងត្បូងបានស្រែកហ៊ោ និងសើចចំអកក្រុមជម្រើសជាតិខ្លួន បន្ទាប់ពីលទ្ធផលបានត្រឹមស្មើជាមួយក្រុមជម្រើសជាតិប៉ាឡេស្ទីនកាលពីសប្តាហ៍មុន។ ប៉ុន្តែសប្ដាហ៍នេះ ពួក​គេ​បានយកឈ្នះក្រុមជម្រើសជាតិអូម៉ង់ក្នុង​លទ្ធផល ៣-១ ហើយឡើងទៅឈរ​លេខ២ ក្នុងពូលB ។

កីឡាករ Son Heung-min បាននិយាយថា ៖«កីឡាករខ្លះមានអារម្មណ៍ថាមានសម្ពាធក្នុងក្រុមជម្រើសជាតិ។ ជាក់ស្តែង យើងទាំងអស់គ្នាគួរតែមានទំនួលខុសត្រូវ ប៉ុន្តែខ្ញុំក៏បានប្រាប់កីឡាករថា ពួកយើងមិនត្រូវគេដាក់ទោស ដោយ​សារ​តែពួកយើង​លេងមិនបានល្អតែមួយប្រកួតទេ»។

កីឡាករ Son បានបន្ថែមថា៖‍«យើងមាន៨​ប្រកួត​ដែលត្រូវលេង ហើយនោះមានន័យថាយើង​នៅ​មានឱកាស៨បន្ថែមទៀតដើម្បីលេងឲ្យអស់ពីសមត្ថភាព។ ប្រសិនបើយើងអាចលេងដោយមានទំនុកចិត្តដូចដែលយើងបានធ្វើនៅថ្ងៃនេះ ខ្ញុំជឿថាយើងនឹងស្ថិតក្នុងទម្រង់ដ៏ល្អ»។

មួយរយៈចុងក្រោយនេះក្រុមជម្រើសជាតិកូរ៉េខាងត្បូងធ្វើមិនបានល្អទេ ជាពិសេសក្នុងឆ្នាំ២០២៤នេះ ពួកគេបានប្ដូរគ្រូបង្វឹកចំនួន៤​​នាក់។ គិតក្នុងវគ្គជម្រុះពានរង្វាន់ជម្រុះពានរង្វាន់ World Cup ជុំទី៣ ក្រុមជម្រើសជាតិកូរ៉េខាងត្បូងនៅសល់៨ប្រកួតក្នងដៃទៀត បើពួកគេធ្វើបានល្អនឹងបានឡើងជុំចុងក្រោយពានរង្វាន់ World Cup លើទី១១ជាប់គ្នា ក្នុងប្រវត្តិសាស្រ្ត​របស់​ខ្លួន៕

ប្រែសម្រួល៖ ផា រតនា