កីឡា

កីឡាករគុនចម្រុះប្រេស៊ីល Bomba ទទួលមរណភាពក្នុងវ័យ៣៨ឆ្នាំ

បានផុស

២ years មុន

នៅ

ថ្ងៃព្រហស្បតិ៍ ១៧ តុលា ២០២៤

ដោយ

កីឡាករ Guilherme “Bomba” Vasconcelos ជាអ្នកប្រយុទ្ធគុនចម្រុះ (MMA) របស់ប្រេស៊ីលដែលមានការធ្លាប់ប្រឡុកក្នុងសង្វៀន UFC និង Bellator បានទទួលមរណភាពក្នុងវ័យ៣៨ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មាននៃការស្លាប់របស់គាត់ត្រូវបានចែករំលែក ដោយមិត្តភក្តិនៅលើប្រព័ន្ធផ្សព្វផ្សាយសង្គមរួមទាំងគ្រូបង្វឹក Cristiano Lazzarini និង Vinicius Magalhaes។ ចំពោះមូលហេតុនៃការស្លាប់មិនត្រូវបានគេបង្ហាញឲ្យដឹងឡើយ។

Guilherme Bomba បានចាប់ផ្តើមអាជីព MMA ដំបូងនៅក្នុងការប្រកួតនៅទីក្រុង Rio de Janeiro ប្រទេសប្រេស៊ីលជាមួយនឹងជ័យជម្នះលើកីឡាករជើងចាស់ Wendell Oliveira។ រូបគេត្រូវអ្នកគាំទ្រកាន់តែស្គាល់ខ្លាំងនៅក្នុងឆ្នាំ២០១៤ បន្ទាប់ពីយកឈ្នះកីឡាករ Elizeu Zaleski។ ក្រោយមកកីឡាករទាំងពីរបានទៅប្រកួតនៅសង្វៀន UFC ។

គ្រូបង្វឹករបស់កីឡាករ Guilherme Bomba លោក Lazzarini បានសរសេរលើបណ្ដាញសង្គមថា ៖«ក្នុងចំណោមសិស្សទាំងអស់ដែលខ្ញុំមាន អ្នកគឺជាអ្នកក្លាហានបំផុត។ ជាពិសេសគ្មានការភ័យខ្លាចនិងមិនខ្លាចបរាជ័យ។ អ្នកប្រៀបដូចជាម៉ាស៊ីនដែលយកឈ្នះអ្វីៗគ្រប់យ៉ាង។ ក្នុងការប្រកួត MMA ដំបូងរបស់អ្នកគឺបានយកឈ្នះកីឡាករដែលប្រកួតឈ្នះ១០លើកជាប់គ្នា និងធ្លាប់ប្រកួត១៩លើក។ គ្រាដ៏រីករាយបំផុតក្នុងជីវិតរបស់ខ្ញុំក្នុងវិស័យកីឡាគឺយើងមានដំណើរកម្សាន្តជាមួយគ្នា ផ្ដើមពីប្រកួតពីខ្សែក្រវាត់ពណ៌ខៀវដល់ខ្សែក្រវាត់ខ្មៅ។ ខ្ញុំស្រលាញ់អ្នកខ្លាំងណាស់»។

ក្រៅពីអាជីពប្រដាល់ កីឡាករ Vasconcelos ទទួលបានការចាប់អារម្មណ៍ពីទំនាក់ទំនងស្នេហាជាមួយតារាចម្រៀង Demi Lovato ក្នុងឆ្នាំ២០១៧។ លោកបានបញ្ចប់អាជីព MMA នៅឆ្នាំ២០១៩ ជាមួយនឹងកំណត់ត្រាឈ្នះ៣ដងក្នុងការប្រកួតនៅសង្វៀន Bellator ចំនួន៦លើក៕