កីឡា

ក្រុមបាល់ទះព្រៃវែង ចាញ់ រាជធានីភ្នំពេញ ក្រោយឈ្នះ៤ប្រកួតជាប់គ្នាក្នុងកីឡាជាតិ

បានផុស

២ years មុន

នៅ

ថ្ងៃចន្ទ ៤ វិច្ឆិកា ២០២៤

ដោយ

ក្រុមបាល់ទះខេត្តព្រៃវែង បានចាញ់ ក្រុមបាល់ទាត់ស្នងការដ្ឋាននគរបាលរាជធានីភ្នំពញ ដោយលទ្ធផល ២-៣ ក្នុងព្រឹត្តិការណ៍កីឡាជាតិ លើកទី៤ នៅព្រឹកថ្ងៃទី៤ ខែវិច្ឆិកានេះ បន្ទាប់ពីទទួលបានជ័យជម្នះ៤លើកជាប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើកឆាក ថ្ងៃទី៣០ ខែតុលា ក្រុមខេត្តព្រៃវែង បានយកឈ្នះ ក្រុមខេត្តឧត្តរមានជ័យជម្នះ ៣-០។ ការប្រកួតទី២ ថ្ងៃទី៣១ ខែតុលា ពួកគេបានយកឈ្នះខេត្តកោះកុង ដោយលទ្ធផល ៣-០។ ការប្រកួតទី៣ ថ្ងៃទី១ ខែវិច្ឆិកា ព្រៃវែង បានយកឈ្នះ ខេត្តកំពង់ស្ពឺ ៣-០។ ការប្រកួតទី៤ ថ្ងៃទី៣ ខែវិច្ឆិកា បានយកឈ្នះ ក្រុមខេត្តកំពង់ចាម ៣-០ ប៉ុន្តែការប្រកួតទី៥ ថ្ងៃទី៤ ខែវិច្ឆិកានេះបានចាញ់ ក្រុមស្នងការដ្ឋាននគរបាលរាជធានីភ្នំពេញដោយលទ្ធផល ២-៣។

ក្រុមខេត្តព្រៃវែង ត្រូវបានអ្នកគាំទ្រមើលឃើញពីមានភាគរយខ្ពស់ក្នុងការឈ្នះមេដាយមាស ពីព្រោះពួកគេមានកីឡាករល្អៗច្រើនដូចជា គួន ម៉ុម, ផល រតនៈ, ពិន សារ៉ុន, សេង គីមហាប់ និង មួន និមល ជាដើម។

ទោះបីជាយ៉ាងលទ្ធផលបរាជ័យនេះស្ថិតនៅក្នុងវគ្គ៦ក្រុមចុងក្រោយដែលវគ្គនេះគឺជាក្រុមលេខ១ និងលេខ២នៃពូលទាំង៣ត្រូវប៉ះគ្នាមួយជុំទៀតទើបរកឃើញ៤ក្រុមចុងក្រោយដើម្បីប្រកួតវគ្គខ្វែង។ ដូច្នេះមានន័យថា ព្រៃវែងមិនទាន់អស់ឱកាសឡើងទៅកាន់វគ្គបន្តឡើយ។