កីឡា
ពានរង្វាន់ RTNK រៀបចំឡើងដើម្បីផ្តល់ឱកាសឲ្យយុវជនបានបង្ហាញសមត្ថភាព
ការប្រកួតបាល់ទាត់ពានរង្វាន់ RTNK លើកទី១ នឹងចាប់ដំណើរការពីថ្ងៃទី៣០ ខែវិច្ឆិកា ឆ្នាំ២០២៤ ដល់ថ្ងៃទី៥ ខែមករា ឆ្នាំ២០២៥។
កាលពីព្រឹកថ្ងៃទី២៧ ខែវិច្ឆិកា ឆ្នាំ២០២៤ ឧកញ៉ា ឈាង សុវណ្ណរតនៈ ស្ថាបនិក និងជាអគ្គនាយកក្រុមហ៊ុន RTNK Group បានប្រកាសជាផ្លូវការក្នុងសន្និសីទសារព័ត៌មានស្តីពីការប្រកួតបាល់ទាត់ពានរង្វាន់ RTNK លើកទី១។ ឧកញ៉ា បានលើកឡើងថា គោលបំណងនៃការបង្កើតពានរង្វាន់នេះឡើងគឺដើម្បីឲ្យយុវជនដែលចូលចិត្តកីឡាបាល់ទាត់ទទួលបានឱកាសបង្ហាញសមត្ថភាពពិតប្រាកដនៅលើទីលាន។ ការបង្កើតកម្មវិធីប្រកួតបាល់ទាត់នេះមិនមែនដើម្បីស្វែងរកប្រាក់ចំណេញ ប៉ុន្តែដើម្បីផលចំណេញដល់យុវជនដែលមានចំណង់ចំណូលចិត្តលេងបាល់ទាត់។ នេះជាការរួមចំណែកក្នុងការជំរុញវិស័យកីឡាបាល់ទាត់ឲ្យផុលផុស និងរីកចម្រើននៅទូទាំងប្រទេសកម្ពុជា។
ឧកញ៉ា ឈាង សុវណ្ណរតនៈ បាននិយាយថា ៖«យើងចង់បណ្ដុះឆន្ទៈយុវជនក្នុងការលេងកីឡា។ ការរៀបចំកម្មវិធីនេះឡើងគឺមិនមែនធ្វើដើម្បីប្រាក់ចំណេញទេ គឺត្រូវប្រើប្រាស់ថវិកាក្រុមហ៊ុន»។
ព្រឹត្តិការណ៍ប្រកួតបាល់ទាត់ដណ្តើមពានរង្វាន់ អធីអិនខេ ឆ្នាំ២០២៤-២០២៥ ជាចលករដ៏សំខាន់មួយក្នុងការលើកស្ទួយវិស័យកីឡាបាល់ទាត់ក្នុងព្រះរាជាណាចក្រកម្ពុជា។ ជាពិសេសបានដើម្បីបង្កើតឱកាសសម្រាប់យុវជនកម្ពុជាក្នុងការជួបជុំគ្នា រឹតចំណងមិត្តភាព សាមគ្គីភាព និងបង្កើនកិច្ចសហប្រតិបត្តិការ ក៏ដូចជាផ្តល់ឱកាសឱ្យយុវជនកម្ពុជាបញ្ចេញសមត្ថភាព និងទេពកោសល្យរបស់ខ្លួននៅក្នុងវិស័យកីឡាបាល់ទាត់។
ការប្រកួតបាល់ទាត់ពានរង្វាន់ អធីអិនខេ ឆ្នាំ២០២៤-២៥ មានចំនួន១៦ក្រុមចូលរួមប្រកួត។ ក្រុមទាំងអស់ត្រូវបានបែងចែកជា៤ពូល សម្រាប់ការប្រកួតសន្សំពិន្ទុក្នុងពូល ហើយបន្ទាប់មកនឹងរកក្រុមឡើងវគ្គ៨ក្រុមចុងក្រោយ រហូតដល់វគ្គផ្តាច់ព្រ័ត្រ។
ពូលទាំង៤
- ពូល A៖ ក្រុម RTNK RETAIL, NIGHT EAGLE FT, YOUNGSTER FC និង FIRE UNSTOPPABLE
- ពូល B៖ ក្រុម PPT PREKHO 50M, MARSHAL FT, ក្រុងចក្រ និង CE&P FC
- ពូល C៖ ក្រុម C.A.P CITY FOOTBALL CLUB, DRAGON CITY, ដង្ខៅអេហ្វស៊ី និង AISAKI
- ពូល D៖ ក្រុម យុវជនសេដ្ឋកិច្ចក្រៅប្រព័ន្ធកម្ពុជា, WHITE WARRIOR FT, THE REVOLUTION MINI និង MIZUNA FC។
ទីតាំងធ្វើការប្រកួតនៅ ក្លិបកីឡាផ្លាទីនីម ជ្រោយចង្វារ ខណៈសំបុត្រចូលរួមទស្សនា ផ្តល់ជូនដោយឥតគិតថ្លៃ ប៉ុន្តែមានចំនួនកំណត់។ អ្នកចូលរួមទាំងអស់នឹងទទួលបានការកម្សាន្តដ៏សប្បាយរីករាយជាមួយកម្មវិធីសម្តែងរបស់ក្រុមសិល្បករក្មេងខ្មែរ ព្រមទាំងមានការសម្តែងក្បាច់គុន “គុនល្បុក្កតោ” នៅក្នុងពិធីបើកការប្រកួត នៅថ្ងៃទី៣០ ខែវិច្ឆិកា ឆ្នាំ ២០២៤ ចាប់ពីម៉ោង ៣ រសៀលតទៅ។
ប្រាក់រង្វាន់សម្រាប់ក្រុមជ័យលាភី
- ក្រុមជើងឯក ទទួលពាន មេដាយមាស និងប្រាក់រង្វាន់៤លានរៀល
- ក្រុមលេខ២ ទទួលបានមេដាយប្រាក់ និងប្រាក់រង្វាន់៣លានរៀល
- ក្រុមលេខ៣ ទទួលបានមេដាយសំរិទ្ធ និងប្រាក់រង្វាន់២លានរៀល
- ក្រុមលេខ៤ ទទួលបានប្រាក់រង្វាន់១លានរៀល
អត្ថបទ៖ ផា រតនា
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ថ្ងៃទី២ធ្នូ គណៈកម្មាធិការអចិន្ត្រៃយ៍ព្រឹទ្ធសភា នឹងពិនិត្យលើច្បាប់ហិរញ្ញវត្ថុឆ្នាំ២០២៥
លោក សុះ ម៉ាច លះបង់ងារជាឯកឧត្តម ព្រោះមនសិការស្រលាញ់ការពារថែរក្សាសិល្ប:
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលស្ទើរតែអស់របស់ខ្លួន
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលស្ទើរតែអស់របស់ខ្លួន
មហាជនរិះគន់ Jung Woo Sung ចាត់ទុក Blue Dragon Film Awards លាងរឿងអាស្រូវផ្ទាល់ខ្លួន
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»