កីឡា

សល់៥ថ្ងៃទៀត ប៉ះទីម័រខាងកើត តែកម្លាំងសំខាន់របស់កម្ពុជា៣នាក់របួស

បានផុស

៤ ខែ មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

ក្រុមបាល់ទាត់ជម្រើសជាតិកម្ពុជា រកមិនបានពិន្ទុពីការប្រកួតជាមួយក្រុមបាល់ទាត់ជម្រើសជាតិសិង្ហបុរី កាលពីយប់ថ្ងៃពុធ ទី១១ ខែវិច្ឆិកា ឆ្នាំ២០២៤ បានធ្វើឲ្យឱកាសឡើងទៅជុំបន្ទាប់នៅសល់កាន់តែតិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីរកមិនបានពិន្ទុហើយ កម្ពុជាថែមទាំងមានកីឡាករសំខាន់២រូបរបួសថែម ស្របពេល៥ថ្ងៃបន្ទាប់ ក្រុមគោព្រៃកម្ពុជា ត្រូវបើកទ្វារពហុកីឡដ្ឋានជាតិអូឡាំពិកទទួលក្រុមភ្ញៀវទីម័រខាងកើត។ កម្លាំង២រូបរបស់កម្ពុជគឺ ខ្សែការពារ កាន់ ម៉ូ ដើរតួជាប្រធានក្រុមជម្រើសជាតិកម្ពុជា និងខ្សែបម្រើឆ្នើម គីម សុខយុទ្ធ បានរបួស។

ជាមួយគ្នានេះ សឿយ វិសាល មិនមានឈ្មោះក្នុងបញ្ជីប្រកួតជាមួយ សិង្ហបុរី ទេដោយសារមានរបួសកាលប្រកួតជាមួយ ម៉ាឡេស៊ី កាលពីថ្ងៃទី៨ ខែធ្នូ ឆ្នាំ២០២៤។ ចំពោះខ្សែប្រយុទ្ធចំណូលថ្មី Andres Neito ក៏មិនទាន់បង្ហាញខ្លួនបានថែមទៀត។

កីឡាករ កាន់ ម៉ូបាន ប៉ះទង្គិចគ្នានៅផ្នែកក្បាល

-ស្ថានភាពរបួសទាមទារការដេរ១០ថ្នេរ
-ក្បាលត្រូវបានស្កេនសម្រាប់ការត្រួតពិនិត្យ
-កីឡាករកំពុងស្នាក់នៅបន្ទប់ សង្គ្រោះបន្ទាន់ដើម្បីតាមដានស្ថានភាព

កីឡាករ គីម សុខយុទ្ធ បានរងរបួសសរសៃពួរ

– ស្ថានភាពរបួសត្រូវបានស្កេន ដើម្បីឱ្យគ្រូពេទ្យត្រួតពិនិត្យស្ថានភាព

ក្រុមកម្ពុជាស្ទើរតែអស់ឱកាស ឡើងទៅវគ្គពាក់កណ្ដាលផ្ដាច់ព្រ័ត្រ បន្ទាប់ពីស្មើ១ប្រកួត និងចាញ់១ប្រកួត រកបានតែ១ពិន្ទុប៉ុណ្ណោះ ឈរលេខ៤ក្នុងពូល។ ប្រកួតពីរលើកចុងក្រោយ ត្រូវការឈ្នះដាច់ខាតទើបមានលទ្ធភាពអ៊ុតមើលឱកាសឡើងវគ្គពាក់កណ្តាលផ្តាច់ព្រ័ត្រ៕