កីឡា

កម្ពុជា កំពុងឈរលេខ១ មានអ្នកគាំទ្រមើលផ្ទាល់ច្រើនបំផុត ពាន AFF Cup

បានផុស

២ years មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

កម្ពុជាបានក្លាយជាប្រទេសដែលមានអ្នកគាំទ្រចូលទស្សនាផ្ទាល់ច្រើនជាងគេបំផុតគិតត្រឹមថ្ងៃទី១១ ខែធ្នូ ឆ្នាំ២០២៤ ក្នុងចំណោម៦ប្រកួត វគ្គសន្សំពិន្ទុក្នុងពូល A និង B ពានរង្វាន់ ASEAN Championship ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបើកឆាកពូល A កាលពីថ្ងៃទី៨ ខែធ្នូ ឆ្នាំ២០២៤ កម្ពុជាបានបើកទ្វារពហុកីឡដ្ឋានជាតិអូឡាំពិក ទទួល ម៉ាឡេស៊ី វេលាម៉ោង៥:៤៥នាទីល្ងាចដែលបញ្ចប់ទៅដោយលទ្ធផលស្មើគ្នា ២-២ គឺមានអ្នកទស្សនាផ្ទាល់រហូតដល់ ២៤ ៨៨៦នាក់។ ចំនួននេះគឺច្រើនជាងការប្រកួតផ្សេងទៀតនៅក្នុងប្រទេសអាស៊ានគិតត្រឹម៦ប្រកួតដំបូង។

ឈរនៅលំដាប់ទី២ ការប្រកួតរវាងម្ចាស់ផ្ទះ មីយ៉ាន់ម៉ា ដែលចាញ់ ឥណ្ឌូណេស៊ី ០-១ កាលពីថ្ងៃទី៩ ខែធ្នូ មានអ្នកទស្សនាផ្ទាល់ ១២៥០០នាក់។ ការប្រកួត ដែល សិង្ហបុរី យកឈ្នះ កម្ពុជា ២-១ កាលពីយប់ថ្ងៃទី១១ ខែធ្នូ មានអ្នកទស្សនាផ្ទាល់ចំនួន ១២៣៩១នាក់។ បន្ទាប់មក ការប្រួតរវាងម្ចាស់ផ្ទះ ឡាវ ដែលចាញ់ វៀតណាម ១-៤ កាលពីថ្ងៃទី៩ ខែធ្នូ មានអ្នកទស្សនា ១០៦៨៥នាក់។

ការប្រកួតនៅប្រទេសម៉ាឡេស៊ី ដែលបានយកឈ្នះ ទីម័រខាងកើត ដោយលទ្ធផល ៣-២ កាលពីថ្ងៃទី១១ ខែធ្នូ គឺមានអ្នកគាំទ្រ ៧៤២០នាក់ និងតិចបំផុត ការប្រកួតរវាង ទីម័រខាងកើត និង ថៃ នៅប្រទេសវៀតណាម មានអ្នកទស្សនាផ្ទាល់ ១២៣៩នាក់។