កីឡា
រ៉េន ឆាយហុង ប្រាប់កីឡាករមហាផ្ទៃ២រូបជាឧសបគ្គធំពេលប៉ះគ្នាវគ្គ៨ក្រុម
ការប្រកួតក្នុងវគ្គ៨ចុងក្រោយ ពានរង្វាន់សម្ដេចក្រឡាហោម ស ខេង រដូវកាលទី៣ ឆ្នាំ២០២៤ ក្លិបបាល់ទះបញ្ជាការដ្ឋានអក្សរ (B) ត្រូវជួបជាមួយក្រុមការពារតំណែងជើងឯកឆ្នាំចាស់គឺ សមាគមបាល់ទះក្រសួងមហាផ្ទៃ។

មុនឡើងមកដល់វគ្គ៨ក្រុមចុងក្រោយ ក្លិបបាល់ទះបញ្ជាការដ្ឋានអក្សរ (B) បានវាយបកយកឈ្នះក្រុមស្នងការដ្ឋាននគរបាលខេត្តកណ្ដាល ស្ទើរមិនគួរឲ្យជឿ ជាមួយលទ្ធផល ៣-២។ ក្រុមនគរខេត្តកណ្ដាលបានបើកការនាំមុខមុន២សិតមុន ប៉ុន្តែក្រុមបញ្ជាការដ្ឋានអង្គរក្សវាយបកយកឈ្នះ៣សិតចុងក្រោយដើម្បីឡើងទៅកាន់វគ្គ៨ក្រុមចុងក្រោយ។
មុនពេលប៉ះជាមួយក្រុមជើងឯកឆ្នាំចាស់សមាគមបាល់ទះក្រសួងមហាផ្ទៃ ស្មាត់ឆ្វេង រ៉េន ឆាយហុង របស់ក្រុមបញ្ជាការដ្ឋានអក្សរ (B) បានលើកឡើងពីកីឡាករ២រូប ជាឧសបគ្គធំ ពេលជួបគ្នានៅថ្ងៃទី២១ ខែធ្នូ នៅវគ្គ៨ក្រុមចុងក្រោយ។
កីឡាករ រ៉េន ឆាយហុង បានប្រាប់«កម្ពុជាថ្មី»ថា ៖«សមាគមបាល់ទះក្រសួងមហាផ្ទៃ ពួកគេមានចំណុចខ្លាំងជាច្រើន ដូចជាការធ្វើរនាំង ការប្រយុទ្ធផ្ដាច់ ការវាយសេវ៉ា និងការពារ។ កីឡាករ ធី ម៉េងហួង និង មឿន ម៉េងឡាយ ជាឧសបគ្គធំសម្រាប់យើង។ ពួកគាត់ទាំង២ជាសុទ្ធតែជាកីឡាករជម្រើសជាតិកម្ពុជា»។

សមាគមបាល់ទះក្រសួងមហាផ្ទៃ មុនឡើងមកដល់វគ្គ៨ក្រុមចុងក្រោយបានយកឈ្នះក្រុមស្នងការដ្ឋាននគរបាលខេត្តមណ្ឌលគិរី ក្នុងលទ្ធផល ៣-០។
ការប្រកួតឆ្នាំនេះកាន់តែជក់ចិត្តខុសពីរាល់ឆ្នាំ សហព័ន្ធកីឡាបាល់ទះកម្ពុជាបានកែប្រែលក្ខខណ្ឌមួយចំនួនគឺក្រុមនីមួយៗ អាចដាក់កីឡាករកម្រិត A លេងក្នុងទីលាន បាន២នាក់ និងកីឡាករបរទេស១នាក់។ ក្រោយការកំណត់លក្ខខណ្ឌនៃការប្រកួតថ្មីនេះ ក្រុមដែលមានកីឡាករលំដាប់ A ច្រើន អាចដាក់ឲ្យក្រុមមកពីតាមបណ្ដាខេត្តខ្ចីជើងកីឡាកររបស់ពួកគេបាន៕

អត្ថបទ៖ ផា រតនា

-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?