កីឡា

ក្រុម Fire Unstoppable ឈ្នះជើងឯក RTNK ជាមួយប្រាក់៤លានរៀល

បានផុស

២ years មុន

នៅ

ថ្ងៃចន្ទ ៦ មករា ២០២៥

ដោយ

ក្រោយដំណើរការប្រកួតជាង១ខែ ទីបំផុតរកឃើញរកក្រុមគ្រងជាម្ចាស់ឯកពានរង្វាន់ RTNK ឆ្នាំ២០២៥ តាមរយៈការប្រកួតវគ្គផ្តាច់ព្រ័ត្រ កាលពីល្ងាចថ្ងៃអាទិត្យ ទី៥ ខែមករា ឆ្នាំ២០២៥ដែលពិធីបិទការសម្តែងគុនល្បុក្កតោ និងចម្រៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់ Fire Unstoppable បានក្លាយជាម្ចាស់ជើងឯកពានរង្វាន់ RTNK ឆ្នាំ២០២៥ ក្រោយយកឈ្នះក្រុម CE&P FC ដោយលទ្ធផល ៤-១ ក្នុងវគ្គផ្តាច់ព្រ័ត្រ។ ការប្រកួតវគ្គផ្ដាច់ព្រ័ត្រពិតជាតានតឹង បន្ទាប់ពីក្រុមទាំង២ បានត្រឹមស្មើគ្នា ១-១ ក្នុងការប្រកួតទាំង២វគ្គ សរុប៦០នាទី។ ការប្រកួតបានបន្ដដល់ម៉ោងបន្ថែម១០នាទីពីរដង ដើម្បីស្វែងរកក្រុមឈ្នះ។ ចូលដល់វគ្គបន្ដែមម៉ោង ក្រុម Fire Unstoppable ពិតជាធ្វើបានល្អ ដោយបង្កើតឱកាសស៊ុតបញ្ចូលទីបាន៣គ្រាប់ លើក្រុម CE&P FC ដើម្បីឈ្នះជើងឯក RTNK។

លោក ឈាង សុវណ្ណរតនៈ ស្ថាបនិក និងជាអគ្គនាយកក្រុមហ៊ុន RTNK Group បានអញ្ជើញជាគណធិបតីក្នុងពិធីបិទការប្រកួត។ លោកបាននិយាយថា ៖«ការបង្កើតកម្មវិធីប្រកួតបាល់ទាត់នេះគឺបានផ្តល់ឱកាសឲ្យយុវជន មកពីកន្លែងផ្សេងៗគ្នា ដើម្បីបង្កើនទំនាក់ទំនង បង្ហាញពីចំណង់ចំណូលចិត្តលេងបាល់ទាត់ ជូបជុំគ្នាបង្ហាញសមត្ថភាព។ នេះជាការរួមចំណែកក្នុងការជំរុញវិស័យកីឡាបាល់ទាត់ឲ្យផុលផុស និងរីកចម្រើននៅក្នុងប្រទេសកម្ពុជា»។

ក្នុងពិធីបិទនេះក៏មានការសម្តែងគុនការ៉ាតេ ការសម្តែងល្ខោនខោល និងការសម្តែងរបស់តារាចម្រៀងរ៉េប លោក Kwan។