កីឡា

ស្វាយរៀងបើកវគ្គបណ្តុះបណ្តាល២លើក ត្រៀមពានស្វាយរៀងខាប់ លើកទី៧

បានផុស

២ សប្តាហ៍ មុន

នៅ

ថ្ងៃសុក្រ ១៤ កុម្ភៈ ២០២៥

ដោយ

គណៈកម្មការប្រកួតបាល់ទាត់ខេត្តស្វាយរៀង បានរៀបចំវគ្គបណ្តុះបណ្តាលចំនួន២លើកដល់គ្រូបង្វឹក និងមន្ត្រីអាជ្ញាកណ្តាល មុនចាប់ផ្តើមដំណើរការប្រកួតពានរង្វាន់ស្វាយរៀងខាប់ លើកទី៧ ឆ្នាំ២០២៥ ដែលនឹងចាប់ពីថ្ងៃទី២២ ខែកុម្ភៈ ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គបណ្ដុះបណ្ដាលទី១ ស្តីពីការចែករំលែកបទពិសោធដល់គ្រូបង្វឹកទាំង៣៣ក្រុម រយៈពេល១ថ្ងៃ នៅកីឡដ្ឋានខេត្តស្វាយរៀង ដោយគ្រូឧទ្ទេសនាម លោក ប្រាក់ សុវណ្ណរ៉ា ដែលមានបទពិសោធជាច្រើនពាក់ព័ន្ធការដឹកនាំក្លឹបាល់ទាត់អាជីព ក៏ដូចជាក្រុមកីឡាទូទៅ។

វគ្គបណ្តុះបណ្តាលទី២ ស្តីពី ជំនាញអាជ្ញាកណ្តាល សម្រាប់ត្រៀមដឹកនាំការប្រកួតពានរង្វាន់ស្វាយរៀងខាប់ ដល់មន្ត្រីអាជ្ញាកណ្តាលទាំងអស់ទូទាំងខេត្តស្វាយរៀង ដើម្បីបង្កើនសមត្ថភាព ចំណេះជំនាញ ក្នុងការគ្រប់គ្រងការប្រកួត។

ការរៀបចំវគ្គបណ្ដុះបណ្ដាលទាំងពីរលើកនេះឡើយដើម្បីបង្កើន និងពង្រឹងសមត្ថភាពគ្រូបង្វឹក អោយកាន់តែយល់ច្បាស់ពីបទវិន័យច្បាប់ល្បែងក្នុងការដឹកនាំក្រុមកីឡាអោយកាន់តែល្អប្រសើរថែមទៀត។ ស្របពេលខេត្តស្វាយរៀងមានកម្មវិធីប្រកួតជាច្រើនពេញមួយឆ្នាំដែលជំរុញឲ្យវិស័យបាល់ទាត់ក្នុងខេត្តមួយនេះកាន់តែមានការរីកចម្រើនទាំងបរិមាណ និងគុណភាព៕