Thiago ដាក់គោលដៅពាក់ទង់ជាតិកម្ពុជា ប្រកួតនៅ UFC ដោយ​សម្ងំហាត់​នៅ​ប្រេស៊ីល

កីឡាករប្រេស៊ីល​-សញ្ជាតិខ្មែរ សែន ចន្ទរិទ្ធីគុន (Thiago Teixeira) បានទៅដល់ស្រុកកំណើត​វិញ​ ក្នុងប្រទេស​ប្រេស៊ីល​ ដើម្បី​ហ្វឹកហាត់នៅក្លិប Fight Nerd ដោយ​មាន​គោលដៅ​​លើក​ទង់ជាតិ​កម្ពុជា ឡើងប្រកួតនៅសង្វៀន UFC ដែលជាសង្វៀនដ៏ធំរបស់ពិភពលោក។

ទាក់ទងនឹងរឿងខាងលើ សែន ចន្ទរិទ្ធីគុន បានបង្ហោះសំណេរនៅលើបណ្តាញសង្គមកាលពីពេលថ្មីៗនេះថា៖ «ខ្ញុំបានត្រឡប់មកដល់ប្រទេស ប្រេស៊ីល វិញហើយ ដើម្បីហ្វឹកហាត់ជាមួយក្រុមដ៏ល្អបំផុតក្នុងពិភពលោក Fight Nerd ជាមួយនឹងអ្នកប្រយុទ្ធដ៏ខ្លាំងបំផុតបច្ចុប្បន្ន។ នេះវាជាការត្រៀមខ្លួនរបស់ខ្ញុំ ដើម្បីលើកកិត្តិយសជូនកម្ពុជា។ ខ្ញុំនឹងប្រឹងឱ្យអស់ពីសមត្ថភាព ដោយគ្មានការរុញរាឡើយ»។

គួរដឹងថា សែន ចន្ទរិទ្ធីគុន គឺជាអ្នកប្រដាល់តំណាងឱ្យគុនខ្មែរ ហើយគាត់ គឺមានសមត្ថភាពប្រកួត ទាំងលក្ខណៈក្បាច់គុនចម្រុះ (MMA) និងគុនខ្មែរ៕

អត្ថបទ៖ សេម កុសល