ការប្រកួត ស្វាយរៀងខាប់ លើកទី ៧ សប្តាហ៍ទី ៧ ធ្លាយគ្រាប់បាល់សរុប ៣០ គ្រាប់

ការ​ប្រកួត​ ស្វាយរៀង​ខាប់ លើក​ទី​៧ បាន​បញ្ចប់​សប្តាហ៍​ទី​ ៧ ហើយ​ ខណៈការប្រកួតសរុបទាំង ៦ គូបានធ្លាយគ្រាប់បាល់រហូតដល់ ៣០ គ្រាប់។

លទ្ធផលការប្រកួតកាលពីថ្ងៃ សៅរិ៍ ទី ២៦ គឺមាន ៣ គូ ក្នុងនោះក្រុមគោព្រៃភូមិស្វាយធំ បានស្មើគ្នាជាមួយ សសយក ស្រុករមាសហែក ៣-៣, ក្រុមកាំភ្លើងធំ បានចាញ់ក្រុម ហនុមានពោធិ៍ថ្មី ១-០, ក្រុមភូមិកណ្តាលខាងលិច បានយកឈ្នះក្រុម ឆ្មាបុងបុងយ៉ាងចាស់ដៃ ៤-០។

ចំណែកការប្រកួត ៣ គូទៀតនៅថ្ងៃ អាទិត្យ ទី ២៧ គឺក្រុមព្រះខ័នរាជស្វាយរៀង U-18 បានលត់ក្រុម យុវជនចុងព្រែក យ៉ាងចាស់ដៃក្នុងលទ្ធផល ៧-១, ក្រុមក្របីព្រៃកោះក្បាន បានចាញ់ក្រុម ភូមិ​ហ៊ីង ៦-៣ និងមួយគូទៀត ដែលជាគូចុងក្រោយ គឺក្រុម TEAM យើង បានស្មើក្រុម សសយក ស្រុកកំពុងរោទ៍ ១-១។

ខាងក្រោមនេះជាលទ្ធផលការប្រកួតពាន ស្វាយរៀងខាប់ លើកទី ៧ សប្តាហ៍ទី ៧ ទាំង ៦ គូ៖

អត្ថបទ៖ សេម កុសល