កីឡា

វគ្គផ្ដាច់ព្រ័ត្រ AFC Challenge League នៅកម្ពុជា៖ ផ្ដល់ផលចំណេញអ្វីខ្លះដល់ព្រះខ័នរាជស្វាយរៀង…

បានផុស

១៤ ម៉ោង មុន

នៅ

ថ្ងៃអង្គារ ២៩ មេសា ២០២៥

ដោយ

វគ្គផ្ដាច់ព្រ័ត្រ AFC Challenge League ដែលនឹងធ្វើនៅកម្ពុជា ក្នុងពហុកីឡដ្ឋានជាតិមរតកតេជោ ថ្ងៃទី១០ ខែឧសភា ២០២៥ នេះបានផ្ដល់ផលចំណេញក្រុមម្ចាស់ផ្ទះ ព្រះខ័នរាជស្វាយរៀង ដូចជាមិនចំណាយពេលធ្វើដំណើរទៅប្រកួត និងមានអ្នកគាំទ្រច្រើនមកលើកទឺកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់ព្រះខ័នរាជស្វាយរៀង

បើតាមការឲ្យដឹងពីលោក Pep Munoz វគ្គផ្ដាច់ព្រ័ត្រ AFC Challenge League ដែលនឹងធ្វើឡើងនៅកម្ពុជានេះមានផលចំណេញច្រើនដល់ព្រះខ័នរាជស្វាយរៀង ដូចជា មិនត្រូវការធ្វើដំណើរ និងអាចស្នាក់នៅផ្ទះបានរៀងៗខ្លួន។ ក្រុមទាំងមូលអាចធ្វើបានតាមទម្លាប់ដូចការប្រកួតរាល់ដង ការត្រៀមខ្លួន ការហ្វឹកហាត់ ព្រោះនេះជាការប្រកួតនៅកម្ពុជា។

បន្ថែមពីនេះលោកជឿជាក់ថានៅថ្ងៃប្រកួតនឹងមានអ្នកគាំទ្រមកទស្សនាលើកទឹកចិត្តច្រើន បើទោះជាសំបុត្រសម្រាប់ក្រុមភ្ញៀវ និងម្ចាស់ផ្ទះបានចែកឲ្យស្មើគ្នាក៏ដោយ។

ទិដ្ឋភាពអ្នកគាំទ្រ

បញ្ជាក់ដែរថា ការប្រកួតវគ្គផ្ដាច់ព្រ័ត្រពានរង្វាន់ AFC Challenge League រវាង ព្រះខ័នរាជស្វាយរៀង និង FK Arkadag នៅថ្ងៃទី១០ ខែឧសភា ឆ្នាំ២០២៥ ខាងមុខនេះនឹងរៀបចំឡើងនៅលើទឹកដីកម្ពុជាជាម្ចាស់ផ្ទះ។ ការប្រកួតនេះធ្វើឡើងនៅពហុកីឡដ្ឋានជាតិមរតកតេជោ ចាប់ពីម៉ោង៧យប់តទៅ៕