កីឡា

សហព័ន្ធកីឡាវាយកូនឃ្លីលើតុ ការប្រកួតកីឡាសិស្សបឋមជាចលនាបំផុសថ្នាលឲ្យលេងកីឡា

បានផុស

១ year មុន

នៅ

ថ្ងៃព្រហស្បតិ៍ ៨ ឧសភា ២០២៥

ដោយ

តំណាងសហព័ន្ធកីឡាវាយកូនឃ្លីលើតុ បានបញ្ជាក់ថាការប្រកួតកីឡាសិស្សបឋមសិក្សានេះជាចលនាបំផុសស្មារតីដល់ថ្នាលតូចៗចាប់លេងកីឡា និងជាការបណ្ដុះធនធានបន្តវេនតទៅមុខទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតកីឡាសិស្សបឋម

លោក ហេង សុខជាតិ អគ្គលេខាធិការរងសហព័ន្ធខាងលើនេះបានឲ្យដឹងថា សម្រាប់កីឡាវាយកូនឃ្លីលើតុចាប់ផ្ដើមពីថ្ងៃទី៧ ប្រជុំបច្ចេកទេស ចាប់ឆ្នោត ថ្ងៃទី៨ ចាប់ផ្ដើមប្រកួត និងបិទបញ្ចប់នៅព្រឹកថ្ងៃទី១០ ខែឧសភា ឆ្នាំ២០២៥ នៅសាលហ្វឹកហាត់របស់សហព័ន្ធ។

ការប្រកួតកីឡាសិស្សបឋម

ថ្នាក់ដឹកនាំ និងជាគ្រូបង្វឹករូបនេះបន្ថែមទៀតថា ការរៀបចំប្រកួតរបស់ក្រសួងអប់រំ យុវជន និងកីឡា ជារៀងរាល់ឆ្នាំនេះជាការល្អមួយលើការពង្រីកផ្សព្វផ្សាយវិស័យកីឡាដល់យុវជន និងកាន់តែល្អថែមទៀតនោះគឺជាចលនាបំផុសគំនិតដល់ថ្នាលតូចៗកម្រិតបឋមសិក្សានេះបានចាប់លេងកីឡាដែលនេះជាការបណ្ដុះធនធានឆ្ពោះឈានទៅស្នងឈុតធំនៅថ្ងៃអនាគត។

លោក ហេង សុខជាតិ

បញ្ជាក់ដែរថា សហព័ន្ធកីឡាវាយកូនឃ្លីលើតុចាប់ផ្ដើមការប្រកួតកីឡាសិស្សបឋមរបស់ខ្លួនហើយកាលពីព្រឹកថ្ងៃទី៨ ខែឧសភា ឆ្នាំ២០២៥ នៅសាលហ្វឹកហាត់របស់សហព័ន្ធក្នុងពហុកីឡដ្ឋានជាតិ។ ប្រតិភូ គ្រូបង្វឹក កីឡាករ កីឡាការិនីចូលរួមសរុប ៣៦នាក់ មកពី ៦រាជធានីខេត្ត (ខេត្តកំពង់ចាម កំពង់ឆ្នាំង ស្ទឹងត្រែង ស្វាយរៀង ឧត្ដរមានជ័យ និងរាជធានីភ្នំពេញ) ប្រកួតលើ ៣វិញ្ញាសាគឺ ឯកត្តជនកុមារា ឯកត្តជនកុមារី និងវាយគូកុមារា៕