កីឡា

សហព័ន្ធកីឡាចំបាប់ បញ្ជូនកីឡាករ កីឡាការិនីឆ្នើម១២រូបប្រជែងមេដាយអាស៊ីអាគ្នេយ៍នៅសិង្ហបុរី

បានផុស

១ year មុន

នៅ

ថ្ងៃសុក្រ ៩ ឧសភា ២០២៥

ដោយ

សហព័ន្ធកីឡាចំបាប់កម្ពុជា នឹងបញ្ជូនកីឡាករ កីឡាការិនីឆ្នើមៗចំនួន ១២រូបដើម្បីចូលរួមប្រជែងមេដាយក្នុងព្រឹត្តិការណ៍ជើងឯកអាស៊ីអាគ្នេយ៍ នៅឯប្រទេសសិង្ហបុរី ចាប់ពីថ្ងៃទី១០ ដល់ ១២ ខែឧសភា ឆ្នាំ២០២៥ ស្អែកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតកន្លងទៅ (រូបភាពសហព័ន្ធ)

បើតាមការឲ្យដឹងពីក្រុមការងាររបស់សហព័ន្ធកីឡាចំបាប់កម្ពុជាបានបញ្ជាក់ថា លោកស្រី ចូវ សុធារ៉ា លោក កាំង ដែនពិសិដ្ឋ ជាគ្រូបង្វឹក និងអាជ្ញាកណ្ដាល ១នាក់ រួមទាំងកីឡាករ កីឡាការិនីសរុបទាំងអស់មានចំនួន ១៥នាក់ដែលនឹងធ្វើដំណើរទៅប្រទេសសិង្ហបុរីលើកនេះ។

លោក ខេស៊ី បាណេត

ការប្រកួតនេះជាឱកាសសំខាន់មួយសម្រាប់កីឡាករ កីឡាការនី ដើម្បីសាកល្បងសមត្ថភាព និងវាស់ស្ទង់បច្ចេកទេស រកចំណុចខ្លាំង និងការខ្វះខាតផ្សេងៗអភិវឌ្ឍន៍ចំណុចខ្សោយទាំងនោះត្រៀមខ្លួនឆ្ពោះទៅការប្រកួតធំស៊ីហ្គេម លើកទី៣៣ ឯប្រទេសថៃផងដែរ។

សូមបញ្ជាក់ដែរថា ការចេញទៅប្រកួតរបស់ក្រុមចំបាប់ជម្រើសជាតិកម្ពុជាក្នុងព្រឹត្តិការណ៍ជ្រើសរើសជើងឯកអាស៊ីអាគ្នេយ៍ ឯប្រទេសសិង្ហបុរី នេះបានការឧបត្ថម្ភគាំទ្រពីលោក ខេស៊ី បាណេត អនុប្រធានសហព័ន្ធ និងជានាយកវិទ្យាស្ថានខេមអេដ៕