កីឡា

ចូវ សុធារ៉ា អរគុណចំពោះការខំប្រឹង និងស្រឡាញ់ជួយគ្នាទៅវិញទៅមកទោះខ្លួនមិនឈ្នះមេដាយក៏ដោយ

បានផុស

១២ ខែ មុន

នៅ

ថ្ងៃព្រហស្បតិ៍ ១៥ ឧសភា ២០២៥

ដោយ

លោកស្រី ចូវ សុធារ៉ា គ្រូបង្វឹកកីឡាចំបាប់កម្ពុជា អរគុណចំពោះកីឡាករ កីឡាការិនី កម្ពុជាទាំងអស់ដែលបានទៅចូលរួមការប្រកួតជើងឯកអាស៊ីអាគ្នេយ៍ នៅសិង្ហបុរី នេះបើទោះជាមិនឈ្នះមេដាយខ្លួនឯងក៏ដោយ ប៉ុន្តែបង្ហាញពីការស្រឡាញ់ និងជួយគ្នាអស់ពីចិត្ត។

រូបភាពហ្វេសបុកលោកស្រី ចូវ សុធារ៉ា

គ្រូបង្វឹកជម្រើសជាតិចំបាប់កម្ពុជា លោកស្រី ចូវ សុធារ៉ា បានឲ្យដឹងថា លោកស្រីពិតជាគោរពអរគុណនូវទឹកចិត្តកីឡាករ កីឡាការិនីទាំងអស់ដែលបានទៅប្រកួតនៅឯប្រទេសសិង្ហបុរីកាលពីពេលថ្មីៗនេះណាស់។ បើទោះជាអ្នកខ្លះមិនឈ្នះមេដាយយ៉ាងណាក្ដី ប៉ុន្តែចិត្តស្រឡាញ់ចេះជួយយកអាសាគ្នាទៅវិញទៅមកមិនថាការងារតូច-ធំ គឺនៅតែជួយគ្នាលើកទឹកចិត្តគ្នាផ្ដោតទៅដណ្ដើមមេដាយជូនជាតិ។

រូបភាពហ្វេសបុកលោកស្រី ចូវ សុធារ៉ា

លោកស្រី ចូវ សុធារ៉ា បន្ថែមទៀតថា អ្នកដែលបរាជ័យក៏ជាបទពិសោធដ៏ល្អមួយដែរដើម្បីបានដឹងពីចំណុចខ្វះខាតដែលខ្លួនមាន និងប្រឹងប្រែងបន្ថែមទៀតដើម្បីឲ្យមានសមត្ថភាពរីកចម្រើនកាន់តែខ្លាំងឆ្ពោះទៅការប្រកួតសំខាន់ៗផ្សេងទៀតដូចជាស៊ីហ្គេម ចុងឆ្នាំនេះនៅឯប្រទេសថៃជាដើម។

រូបភាពហ្វេសបុកលោកស្រី ចូវ សុធារ៉ា

បញ្ជាក់ដែរថា ក្រុមជម្រើសជាតិកីឡាចំបាប់កម្ពុជា បានដណ្ដើមមេដាយសរុប ៨គ្រឿង មាស១ ប្រាក់៣ សំរឹទ្ធ៤ ពីការប្រកួតជ្រើសរើសជើងឯកអាស៊ីអាគ្នេយ៍ នៅឯប្រទេសសិង្ហបុរី អំឡុងថ្ងៃទី១០ ដល់ ១២ ខែឧសភា ឆ្នាំ២០២៥ ថ្មីៗនេះ។ ព្រឹត្តិការណ៍នេះខាងកម្ពុជាបញ្ជូនកីឡាករ កីឡាការិនីសរុប ១២នាក់៕