កីឡា

កីឡាការិនីវ័យ២០ឆ្នាំ ហេង ស៊ីវហ៊ាង ឈ្នះមេដាយអន្តរជាតិ១៨គ្រឿង

បានផុស

១ year មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

កីឡាការិនីវ័យក្មេង ហេង ស៊ីវហ៊ាង បានឈ្នះមេដាយចំនួន១៨គ្រឿងហើយក្នុងអាជីពកីឡាជឺជីតស៊ូដែលកញ្ញាបានចាប់យកក្នុងរយៈពេលប្រមាណ៣ឆ្នាំប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ហេង ស៊ីវហ៊ាង បានចាប់ផ្តើមហ្វឹកហាត់កីឡាតេក្វាន់ដូដំបូងនៅឆ្នាំ២០១៤ រហូតដល់ឆ្នាំ២០២២ ក៏បានប្តូរទៅហ្វឹកហាត់កីឡាជឺជីតស៊ូវិញ ដោយសារកីឡាតេក្វាន់ដូសំបូរកីឡាការិនីមានការប្រកួតប្រជែងច្រើន។

គោលបំណងចម្បងនៃការប្តូរទៅហ្វឹកហាត់កីឡាជឺជីតស៊ូគឺ ដើម្បីប្រកួតកីឡាស៊ីហ្គេម ឆ្នាំ២០២៣ នៅពេលកម្ពុជាធ្វើជាម្ចាស់ផ្ទះលើកដំបូង។ ពេលនោះសហព័ន្ធកីឡាជឺជីតស៊ូកម្ពុជាត្រូវការកីឡាករ កីឡាការិនីត្រៀមស៊ីហ្គេម ដូច្នេះហើយបានជាកញ្ញាសម្រេចចាប់យកកីឡាថ្មីមួយនេះ។

ការប្រឹងប្រែងរយៈពេលប៉ុន្មានខែមុនពេលកីឡាស៊ីហ្គេម ឆ្នាំ២០២៣ បានផ្តល់ឲ្យកីឡាការិនីរូបនេះទទួលបានមេដាយប្រាក់ ៣ គ្រឿងជូនជាតិក្នុងនាមជាម្ចាស់ផ្ទះរៀបចំការប្រកួតកីឡាស៊ីហ្គេម។ បន្ទាប់មក កញ្ញា បានចេញប្រកួតក្នុងព្រឹត្តិការណ៍កីឡាអន្តរជាតិជាច្រើនគិតចាប់តាំងពីឆ្នាំ២០២៣ រហូតដល់ឆ្នាំ២០២៥។ សរុបទៅ កញ្ញាបានឈ្នះមេដាស មាស ៥ ប្រាក់ ៩ និងសំរិទ្ធ ៤។