Ronaldo និង Messi ស្ថិតក្នុងតារាងអត្តពលិកទាំង ៥ នាក់ មានទ្រព្យសម្បត្តិច្រើនបំផុតក្នុងលោក

ខ្សែប្រយុទ្ធរបស់ Al-Nassr កីឡាករ Cristiano Ronaldo និងខ្សែប្រយុទ្ធ Inter Miami កីឡាករ Lionel Messi បានស្ថិតនៅក្នុងតារាងអត្តពលិកល្បីៗទាំង ៥ រូប ដែលមានទ្រព្យសម្បត្តិច្រើនជាងគេបំផុតក្នុងពិភពលោកនាពេលបច្ចុប្បន្ន។

ដ្បិតមានវ័យ ៤០ ឆ្នាំទៅហើយ ប៉ុន្តែនៅក្នុងវិស័យបាល់ទាត់បច្ចុប្បន្ន Ronaldo បានក្លាយជាកីឡាករ ដែលរកចំណូលបានច្រើនជាងកីឡាករណាៗទាំងអស់ ពោលបន្ទាប់ពីបន្តកិច្ចសន្យាថ្មីជាមួយក្រុម Al-Nassr ថ្មីៗនេះ ខ្សែប្រយុទ្ធសញ្ជាតិ ព័រទុយហ្គាល់ រកបានប្រាក់ពលកម្មក្នុងមួយឆ្នាំបានចំនួន ២១៦.៦ លានដុល្លារអាមេរិកក្នុងមួយឆ្នាំ បន្ទាប់ពីបង់ពន្ធរួច។

យ៉ាងណាបើយើងក្រឡេកមកមើលអំពីទ្រព្យសម្បត្តិសរុបវិញ Ronaldo បានឈរនៅលើគូប្រជែង Messi ប៉ុន្តែគាត់បានស្ថិតនៅក្រោមអត្តពលិក ២ រូប គឺកីឡាករវាយកូនហ្គោល Tiger Woods និងកីឡាករបាល់បោះ Michael Jordan។

ខាងក្រោមនេះ គឺជាបញ្ជីឈ្មោះអត្តពលិកទាំង ៥ ដែលមានទ្រព្យសម្បត្តិច្រើនជាងគេក្នុងលោក គិតត្រឹមឆ្នាំ ២០២៥៖

• 5 Lionel Messi (កីឡាករបាល់ទាត់) – មានទ្រព្យសម្បត្តិ ១.៨៥ ពាន់លានដុល្លារអាមេរិក

• 4 LeBron James (កីឡាករបាល់បោះ) – មានទ្រព្យសម្បត្តិ ១.៨៨ ពាន់លានដុល្លារអាមេរិក

• 3 Cristiano Ronaldo (កីឡាករបាល់ទាត់) – ២.២៣ ពាន់លានដុល្លារអាមេរិក

• 2 Tiger Woods (កីឡាករវាយកូនហ្គោល) – ២.៧៩ ពាន់លានដុល្លារអាមេរិក

• 1 Michael Jordan (កីឡាករបាល់បោះ) – ៤.១៥ ពាន់លានដុល្លារអាមេរិក៕

ប្រែសម្រួល៖ កុសល
ប្រភព៖ Sportbible