កីឡា

ទៅដល់ថៃ Nick Taylor ប្រាប់ថា កំពុងរីករាយ ខណៈសង្ឃឹមមានកីឡាករខ្មែរទៅលេងក្រៅប្រទេសច្រើន

បានផុស

១ year មុន

នៅ

ថ្ងៃពុធ ២ កក្កដា ២០២៥

ដោយ

ខ្សែបម្រើការពារស្លាប Nick Taylor បានផ្លាស់ទៅចូលរួមជាមួយក្លិប PT Prachuap FC នៃលីគបាល់ទាត់កំពូលថៃ បន្ទាប់ពីចូលរួមជាមួយក្លិប ព្រះខ័នរាជស្វាយរៀង អស់រយៈពេល២រដូវកាល។

Nick Taylor លេងឲ្យព្រះខ័នរាជស្វាយរៀង រដូវកាលទី១

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្លាស់ទៅចូលរួមជាមួយក្លិប PT Prachuap FC ស្របពេលដែលកម្ពុជា និងថៃ កំពុងមានបញ្ហាព្រំដែនជាមួយគ្នា ប៉ុន្តែកីឡាមិនពាក់ព័ន្ធនឹងបញ្ហានយោបាយទេ។ Nick បាននិយាយថា ៖«ខ្ញុំស្នើសុំបងប្អូនដោយសេចក្តីគោរព សូមទុករឿងនយោបាយនៅដាច់ដោយឡែកពីបាល់ទាត់។ នេះជាអ្វីដែលបាល់ទាត់មានលក្ខណៈពិសេស។ កីឡានាំមកនូវការរួមរួប សាមគ្គីគ្រប់ប្រទេស វប្បធម៌ និងសាសនា»។

Nick Taylor លេងឲ្យជម្រើសជាតិកម្ពុជា កាលពីឆ្នាំ២០២៤

ជាមួយគ្នានេះ Nick Taylor បានប្រាប់សារព័ត៌មាន«កម្ពុជាថ្មី»ថា ៖«អ្វីគ្រប់យ៉ាងនៅទីនេះល្អប្រសើរ។ ខ្ញុំពិតជាចូលចិត្ត។ ខ្ញុំសង្ឃឹមថា ការមកលេងនៅទីនេះរបស់ខ្ញុំគឺជាការបើកផ្លូវមួយ។ វានឹងកាន់តែល្អប្រសើរ ប្រសិនបើមានកីឡាករខ្មែរច្រើនទៀតបានលេងនៅក្រៅប្រទេស។ ឃើញហើយ មាន Neito, មាន Ose និងខ្ញុំបានមកទៅលេងនៅក្រៅប្រទេស ហើយសង្ឃឹមមានកីឡាករកម្ពុជាច្រើនទៀតអាចចេញទៅលេងនៅក្រៅប្រទេសនាពេលអនាគត»។

Nick Taylor ដែលជាកីឡាករខ្មែរ-អាមេរិក បានឈ្នះពានរង្វាន់ ៤ ជាមួយក្លិបព្រះខ័នរាជស្វាយរៀង សម្រាប់ពីររដូវកាលគឺ ពានលីគបាល់ទាត់កម្ពុជា ២ លើក ពានសម្តេចតេជោ ហ៊ុន សែន ១ លើក និងពាន ខេមបូឌានស៊ុបភើខាប់ ១ លើក។ ជាមួយគ្នានេះ រូបគេក៏បានក្លិបដែលមានមូលដ្ឋាននៅខេត្តស្វាយរៀង ទទួលបានចំណាត់ថ្នាក់លេខ ២ ពាន AFC Challenge League៕