កីឡា

ក្រុមបាល់ទះកម្ពុជា ធ្លាក់ច្រើនលេខពីតារាង FIVB ក្រោយចប់ SEA V. League ជុំទី១

បានផុស

១២ ខែ មុន

នៅ

ថ្ងៃចន្ទ ១៤ កក្កដា ២០២៥

ដោយ

បរាជ័យ ៤ ប្រកួតជាប់គ្នាក្នុងព្រឹត្តិការណ៍ SEA V. League ជុំទី១ ឆ្នាំ ២០២៥ ក្រុមបាល់ទះជម្រើសជាតិ កម្ពុជា បានធ្លាក់ពីលេខ ៦៦ ដល់ លេខ ៧៥ ក្នុងតារាងចំណាត់ថ្នាក់បាល់ទះពិភពលោក FIVB Ranking។

ក្រុមកម្ពុជាឈ្នះមេដាយប្រាក់ស៊ីហ្គេម ២០២៣

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធកីឡាបាល់ទះអន្តរជាតិ (FIVB) បានបញ្ចូលចំណាត់ថ្នាក់របស់ក្រុមបាល់ទះ កម្ពុជា ជាផ្លូវការកាលពីថ្ងៃទី ១០ ខែកក្កដា ឆ្នាំ ២០២៥ ស្ថិតនៅចំណាត់ថ្នាក់លេខ ៦៦ ដោយមាន ៤២.២៦ ពិន្ទុ។ ការទទួលបានចំណាត់ថ្នាក់ល្អនេះ បន្ទាប់ពីប៉ុន្មានឆ្នាំចុងក្រោយ កម្ពុជាធ្វើបានល្អទាំងក្នុងព្រឹត្តិការណ៍កីឡាស៊ីហ្គេម និង SEA V. League Challenge ឆ្នាំ២០២៤។

ទោះបីជាយ៉ាងណា ការចាញ់ ៤ លើកជាប់គ្នាក្នុងព្រឹត្តិការណ៍ SEA V. League ជុំទី១ដែលបញ្ចប់ទៅកាលពីថ្ងៃទី១៣ ខែកក្កដា កម្ពុជាបាត់បង់ពិន្ទុចំនួន ២៥.១៥ ដែលធ្វើឲ្យធ្លាក់ដល់ចំណាត់ថ្នាក់លេខ ៧៥ ដោយនៅសល់ត្រឹមតែ ២៤.៨៥ពិន្ទុ។ កម្ពុជា ចាញ់ វៀតណាម ០-៣ បាត់បង់ ៧.៧៤ពិន្ទុ, ចាញ់ ឥណ្ឌូណេស៊ី ០-៣ បាត់បង់ ៧.៤៥ពិន្ទុ, ចាញ់ ហ្វីលីពីន ២-៣ បាត់បង់ ៣.៦២ពិន្ទុ និងចាញ់ ថៃ ០-៣ បាត់បង់ ៦.៣៤ពិន្ទុ។

ប្រទេសនៅតំបន់អាស៊ានមានតែ ថៃ ឥណ្ឌូណេស៊ី វៀតណាម ហ្វីលីពីន និង កម្ពុជា ដែលមាននៅក្នុងតារាងចំណាត់ថ្នាក់ FIVB Ranking រហូតដល់ពេលនេះ ខណៈប្រទេសផ្សេងទៀត ដូចជា ម៉ាឡេស៊ី សិង្ហបុរី ឡាវ មីយ៉ាន់ម៉ា ព្រុយណេ និង ទីម័រខាងកើត មិនទាន់មានទេ។

តារាងចំណាត់ថ្នាក់ក្រុមតំបន់អាស៊ាន