កីឡា

ជើងទី១ ចាញ់ទាំងប្រផិតប្រផើយ ល្ងាចនេះ កម្ពុជា ប៉ះ ហ្វីលីពីន ម្តងទៀត ក្នុងពាន SEA V. League

បានផុស

១០ ខែ មុន

នៅ

ថ្ងៃសុក្រ ១៨ កក្កដា ២០២៥

ដោយ

នាម៉ោង ៤ រសៀលនេះ ថ្ងៃ សុក្រ ទី ១៨ ខែកក្កដា ឆ្នាំ ២០២៥ ក្រុមបាល់ទះជម្រើសជាតិ កម្ពុជា នឹងត្រូវប្រកួតជាមួយ ក្រុមបាល់ទះជម្រើសជាតិ ហ្វីលីពីន ក្នុងពាន SEA V. League ដែលជាការប្រកួតទី ៣ ក្នុងជុំទី២ នៅប្រទេសឥណ្ឌួណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជួបគ្នាកាលពីថ្ងៃទី ១២ ខែកក្កដា ឆ្នាំ ២០២៥ នៅប្រទេសហ្វីលីពីន ក្នុងជុំទី១ ពានរង្វាន់ដដែលនេះ កម្ពុជា បានចាញ់ ហ្វីលីពីន ដោយលទ្ធផលទាំងប្រផិតប្រផើយ ៣ សិតទល់នឹង ២។ យ៉ាងណា កាលពីជើងទី ១ កន្លងទៅ កម្ពុជា មិនបានរកបានជ័យជម្នះសូម្បីមួយប្រកួត ដោយឆ្លងកាត់ ៤ ប្រកួត ចាញ់ទាំង ៤ ប្រកួត ក្នុងនោះក្រៅអំពីការចាញ់ ហ្វីលីពីន គឺបានចាញ់ វៀតណាម ឥណ្ឌូណេស៊ី និង ថៃ។

ដោយឡែកនៅ ជើងទី ២ ក្នុងប្រទេស ឥណ្ឌូណេស៊ី នេះវិញ កម្ពុជា ក៏មិនទាន់រកបានជ័យជម្នះនៅឡើយដែរ ដោយ ២ ប្រកួតកន្លងមក កម្ពុជា បានចាញ់ វៀតណាម ៣ សិត ០ និងចាញ់ ថៃ ៣ សិត ១។ ការប្រកួតទល់នឹង ហ្វីលីពីន ល្ងាចនេះ គឺជាការប្រកួតទី ៣ របស់ កម្ពុជា ក្នុងជើងទី ២ នៃពាន SEA V League មុនត្រូវជួបម្ចាស់ផ្ទះ ឥណ្ឌូណេស៊ី ដែលជាការប្រកួតចុងក្រោយនៅថ្ងៃស្អែកទី ១៩ ខែ កក្កដា ឆ្នាំ ២០២៥។

ប្រវត្តិជួបគ្នា ៤ លើកចុងក្រោយគិតចាប់តាំងពីឆ្នាំ ២០១៩ មក កម្ពុជា បានឈ្នះ ២ លើក ខណៈ ហ្វីលីពីន បានឈ្នះ ២លើក។

ខាងក្រោមនេះជាលទ្ធផលជួបគ្នាទាំង ៤ លើករវាងក្រុមបាល់ទះ កម្ពុជា និង ហ្វីលីពីន៖