កីឡា

ជាការរួមចំណែកក្លឹបលោក ធន់ សុភា និងក្លឹប ផាត សុដា បានឧបត្ថម្ភគ្រឿងឧបភោគបរិភោគមួយចំនួនដល់ជនភៀសសឹក

បានផុស

៩ ខែ មុន

នៅ

ថ្ងៃពុធ ៣០ កក្កដា ២០២៥

ដោយ

ជាការរួមចំណែកសម្រាលការលំបាក និងជួយគ្នាក្នុងគ្រាមានទុក្ខ ក្លឹបប្រដាល់លោក ធន់ សុភា និងក្លឹបប្រដាល់លោក ផាត សុដា បានឧបត្ថម្ភគ្រឿងឧបភោគបរិភោគ អមជាមួយថវិកាមួយចំនួនដល់ជនភៀសសឹកបន្ទាប់ពីរងការលំបាកក្នុងការឈ្លានពានរបស់ថៃប៉ុន្មានថ្ងៃមុននេះ។

លោក ធន់ សុភា

នេះបើតាមវីដេអូបង្ហោះរបស់លោក ធន់ សុភា ដែលមានលោកតំណាងឲ្យក្លឹបប្រដាល់ធន់សុភាគុនខ្មែរបាននាំយកនូវគ្រឿងឧបភោគបរិភោគរួមមានមី សាប៊ូបោកខោអាវ សាប៊ូកក់សក់ រួមជាមួយថវិកា ៥០ម៉ឺនរៀលផងដែរឧបត្ថម្ភដល់ជនភៀសសឹកដែលកំពុងជួបការលំបាក និងខ្វះខាតនៅពេលនេះ។

លោក ធន់ សុភា

ចំណែកលោក ផាត សូដា តំណាងក្លឹបប្រដាល់គុនខ្មែរស៊ុបពើហ្វៃ ក៏បានរួមចំណែកឧបត្ថម្ភដល់ជនភៀសសឹកផងដែរក្នុងនោះរួមមានអង្ករ មី ត្រីខ ទឹកស៊ីអ៊ីវ ទឹកត្រី សាប៊ូ និងគ្រឿងឧបភោគបរិភោគជាច្រើនទៀត។ ក្រៅតែឧបត្ថម្ភស្បៀងហើយនោះក្លឹបប្រដាល់គុនខ្មែរស៊ុបពើហ្វៃបានឧបត្ថម្ភថវិកាចំនួន ១លានរៀលទៀតផងដែរ។

លោក ផាត សូដា

លោក ផាត សូដា មានចិត្តសប្បាយរីករាយក្នុងការរួមចំណែកជួយសង្គមជាតិ ស្មារតីខ្មែរតែមួយ ចេះជួយគ្នាក្នុងគ្រាលំបាកបែបនេះដើម្បីសម្រួលដល់ការរស់នៅអំឡុងពេលដែលជួបការលំបាកពីអំពើឈ្លានពានរបស់ប្រទេសថៃថ្មីៗនេះ។

លោក ផាត សូដា

បញ្ជាក់ដែរថា បន្ទាប់ពីផ្ទុះអាវុធ និងរងការឈ្លានពានពីសំណាក់កងទ័ពថៃកាលពីថ្ងៃទី២៤ ខែកក្កដា ឆ្នាំ២០២៥ នេះប្រជាពលរដ្ឋខ្មែរជាច្រើនគ្រួសារដែលរស់នៅតាមបណ្ដោយព្រំដែនខ្មែរ-ថៃ ត្រូវបានជម្លៀសចេញពីផ្ទះសម្បែងទៅរកកន្លែងសុវត្ថិភាព។ បើទោះជាមានបទឈប់បាញ់ហើយក្ដី ប៉ុន្តែគេមើលឃើញថាប្រជាពលរដ្ឋខ្មែរដែលភៀសខ្លួននៅមិនទាន់អាចវិលត្រឡប់ទៅកាន់ផ្ទះសម្បែងវិញនៅឡើយទេ៕