កីឡា

សួន ចាន់ណារ៉ូ៖ សុំបងប្អូនអ្នកគាំទ្រចាញ់-ឈ្នះ កុំជេរខានយូរដែរហើយមានតែខំប្រឹងឡើងវិញ

បានផុស

១១ ខែ មុន

នៅ

ថ្ងៃចន្ទ ១១ សីហា ២០២៥

ដោយ

កីឡាករឆ្នើម សួន ចាន់ណារ៉ូ សុំចិត្តអ្នកគាំទ្រកុំជេរខ្លួនអីពេលប្រកួតចាញ់-ឈ្នះ យ៉ាងណានោះ ព្រោះឈប់ពីជម្រើសជាតិ ឬខានហ្វឹកហាត់ជាមួយក្រុមយូរដែរហើយ ដូច្នេះមានតែខំប្រឹងហ្វឹកហាត់ឡើងវិញប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សួន ចាន់ណារ៉ូ

ថ្លែងក្នុងវីដេអូរបស់កីឡាករ សេង គីមហាប់ នៅព្រឹកមិញនេះ សួន ចាន់ណារ៉ូ ថារូបគេខានហ្វឹកហាត់ជាមួយក្រុមជម្រើសជាតិយូរដែរហើយ ដូច្នេះមិនដឹងថាសមត្ថភាពយ៉ាងណានោះទេមានតែខំប្រឹង។ ចំពោះការប្រកួតនៅពេលខាងមុខ ចាញ់-ឈ្នះ យ៉ាងណានោះសូមអ្នកគាំទ្រកុំជេរដល់រូបខ្លួនអី ព្រោះខានលេង ឬហ្វឹកហាត់ជាមួយគ្នាយូរហើយ។

សួន ចាន់ណារ៉ូ ពេលជួបលោក អាំង សេរីពិសិដ្ឋ

បញ្ជាក់ដែរថា កីឡាករបាល់ទះឆ្នើម សួន ចាន់ណារ៉ូ ថ្មីៗនេះឃើញរូបគេបានចូលជួបជាមួយ អាំង សេរីពិសិដ្ឋ អគ្គលេខាធិការសហព័ន្ធបាល់ទះកម្ពុជា និងបានចូលហ្វឹកហាត់ជាមួយក្រុមជម្រើសជាតិវិញបណ្ដើរៗហើយកាលពីព្រឹកថ្ងៃទី១១ ខែសីហា ឆ្នាំ២០២៥ នេះ៕