កីឡា

ឈ្នះប៉ះឈ្នះ! អង្គរថាយហ្គឺរ ជួប ព្រះខ័នរាជស្វាយរៀង ជាក្រុមជួបគ្នាតែងតែជក់ចិត្ត

បានផុស

១១ ខែ មុន

នៅ

ថ្ងៃសុក្រ ១៥ សីហា ២០២៥

ដោយ

ក្រុមអង្គរថាយហ្គឺរ បើកទ្វារកីឡដ្ឋានរបស់ខ្លួនទទួល ក្រុមខ្លាំង ព្រះខ័នរាជស្វាយរៀង វេលាម៉ោង ៦ ល្ងាច ថ្ងៃសៅរ៍ ទី១៦ ខែសីហា ឆ្នាំ ២០២៥ សម្រាប់ការប្រកួតសប្តាហ៍ទី២ លីគបាល់ទាត់កំពូលកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គរថាយហ្គឺរ តែងតែនាំចូលកីឡាករបរទេសល្អៗ ប៉ុន្តែមិនរក្សាទុកច្រើនរដូវកាលឡើយ។ កីឡាករបរទេសនៅក្លិបកម្ពុជាជាច្រើនត្រូវបាននាំយកពីក្លិបអង្គរថាយហ្គឺរ។ សម្រាប់រដូវកាលថ្មីនេះ ពួកគេមានកីឡាករបរទេសដែលមានល្បឿនលឿន និងបញ្ចប់ទីច្បាស់ មានដូចជា ខ្សែការពារប្រេស៊ីល Matheus Freitas ខ្សែបម្រើជប៉ុន Takara Masutani និង Takuto Yasuoka ខណៈខ្សែប្រយុទ្ធជប៉ុន Mark Ajay Kurita, ហូឡង់ Guytho Mijland និងប្រេស៊ីល Eduardo Junior។

ព្រះខ័នរាជស្វាយរៀង សំបូរកីឡាករល្អៗទាំងខ្មែរ និងបរទេស។ ខ្សែបម្រើជប៉ុន Ryo Fujii និង 2- Takashi Odaawara និងខ្សែប្រយុទ្ធឡាវ Bounphachan Bounkong, Cristian Roque (ប្រេស៊ីល), Kwame Peprah (ហ្គាណា) និង Patrick Souza (ប្រេស៊ីល)។

កាលពីសប្តាហ៍ទី១ អង្គរថាយហ្គឺរ ទទួលបានជ័យជម្នះធំធេងលើក្រុម អឹមអូអាយ កំពង់ដេវ៉ា ដោយលទ្ធផល ៦-៣ ដើម្បីទទួលបាន ៣ ពិន្ទុ ឈរលើកំពូលតារាង ខណៈ ព្រះខ័នរាជស្វាយរៀង បានឈ្នះ ណាហ្គាវើលដ៍ ៣-០ ដើម្បីឈរចំណាត់ថ្នាក់លេខ ២ ក្នុងតារាង។

នេះជាការប៉ះគ្នារវាង ក្រុមឈ្នះ និង ក្រុមឈ្នះ ដែលនឹងក្លាយជាជំនួបដ៏អស្ចារ្យសម្រាប់អ្នកគាំទ្រ។ សម្រាប់ការជួបគ្នា ១៣ លើកក្នុងលីគ និងពានសម្តេចតេជោ ព្រះខ័នរាជស្វាយរៀង ឈ្នះ ១២ លើក ហើយ អង្គរថាយហ្គឺរ ឈ្នះ ១ លើក។