បច្ចេកវិទ្យា
សហរដ្ឋអាមេរិក បញ្ជាឲ្យបិទកម្មវិធីចិនចំនួន៨បន្ថែមទៀត រាប់បញ្ចូលទាំង Alipay និង WeChat Pay
យោងតាមការចេញផ្សាយតាមទំព័រហ្វេសប៊ុករបស់នាយកដ្ឋាន ប្រឆាំងបទល្មើសបច្ចេកវិទ្យា Anti Cyber Crime Departmentនៅថ្ងៃទី៦ ខែមករា ឆ្នាំ២០២១ នេះបានឲ្យដឹងថា សហរដ្ឋអាមេរិកបានបញ្ជាឱ្យបិទកម្មវិធីចិនចំនួន៨បន្ថែមទៀតរាប់បញ្ចូលទាំង Alipay និង WeChat Payកាលពីថ្ងៃអង្គារម្សិលមិញនេះ។
លោកប្រធានាធិបតីសហរដ្ឋអាមេរិក Donald Trump បានបញ្ជាឱ្យបិទកម្មវិធីចិនចំនួន៨រួមមាន Alipay, CamScanner, QQ Wallet, SHAREit, Tencent QQ, VMate, WeChat Pay និង WPS Office បន្ថែមទៅលើកម្មវិធី TikTok និង WeChat ដែលលោកបានបញ្ជាឱ្យបិទកាលពីខែសីហាកន្លងទៅ។
ស្រដៀងគ្នាទៅនឹងហេតុផលដែលលោកប្រធានាធិបតីបានប្រើដើម្បីទាមទារឱ្យបិទកម្មវិធី TikTok និង WeChat នោះគឺ កម្មវិធីទាំង៨នេះ អាចជាមធ្យោបាយដើម្បីចូលនិងទាញយកទិន្នន័យជាច្រើនរបស់អ្នកប្រើប្រាស់ ដែលរាប់បញ្ចូលទាំងព័ត៌មានដែលអាចសម្គាល់អត្តសញ្ញាណ និងព័ត៌មានឯកជនភាពផងដែរ។
![](https://kampucheathmey.com/wp-content/uploads/2021/01/135221145_3492050350864549_8552272537520679836_n.jpg)
លោកក៏បានបញ្ជាក់ទៀតថា ការទាញយកទិន្នន័យទាំងអស់នេះ អាចឱ្យរដ្ឋាភិបាលចិន មានលទ្ធភាពក្នុងការគ្រប់គ្រងព័ត៌មានជាច្រើនរបស់ប្រជាពលរដ្ឋអាមេរិក ហើយជាពិសេសពួកគេអាចតាមដានទីតាំងរបស់បុគ្គលិករដ្ឋាភិបាលបានថែមទៀតផង។
បទបញ្ជានេះនឹងត្រូវចាប់ផ្ដើមអនុវត្តក្នុងរយៈពេល៤៥ថ្ងៃទៀត បន្ទាប់ពីបានចុះហត្ថលេខាកាលពីថ្ងៃទី៥ ខែមករា ម្សិលមិញនេះ។
គួរបញ្ជាក់ផងដែរថា កម្មវិធី TikTok និង WeChat មិនត្រូវបានបិទដូចដែលលោកប្រធានាធិបតីសហរដ្ឋអាមេរិកបានគ្រោងទុកនោះទេ ហើយម្ចាស់ក្រុមហ៊ុនរបស់កម្មវិធីទាំងពីរនេះ ក៏កំពុងតែធ្វើការប្ដឹងផ្ដល់គ្នាជាមួយនឹងរដ្ឋាភិបាលក្នុងប្រព័ន្ធតុលាការនៅសហរដ្ឋអាមេរិក ដើម្បីចៀសវាងពីការបិទ ឬលក់កម្មវិធីនេះទៅឱ្យក្រុមហ៊ុនទី៣នោះ៕
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ