បច្ចេកវិទ្យា

FDA យល់ព្រមឲ្យក្រុមហ៊ុនរបស់ Elon Musk ធ្វើតេស្តដាក់បន្ទះឈីបក្នុងខួរក្បាលមនុស្ស

បានផុស

២ years មុន

នៅ

ថ្ងៃសុក្រ ២៦ ឧសភា ២០២៣

ដោយ

ក្រុមហ៊ុន Neuralink របស់មហាសេដ្ឋី Elon Musk ទទួលបានភ្លើងខៀវពីរដ្ឋបាលចំណីអាហារ និងឱសថសហរដ្ឋអាមេរិក (FDA) ដើម្បីធ្វើការសិក្សាស្រាវជ្រាវ ក៏ដូចជាធ្វើតេស្តការដាក់បន្ទះឈីបក្នុងខួរក្បាលលើមនុស្សជាលើកដំបូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនបានសរសេរបង្ហោះក្នុងបណ្ដាញ Twitter ថា នេះគឺជាលទ្ធផលនៃការងារមិនគួរឲ្យជឿរបស់ក្រុមហ៊ុន Neuralink ក្នុងកិច្ចសហការយ៉ាងជិតស្និទ្ធជាមួយរដ្ឋបាលចំណីអាហារ និងឱសថសហរដ្ឋអាមេរិក (FDA) និងតំណាងឲ្យជំហានដំបូងដ៏សំខាន់ដែលនឹងអនុញ្ញាតឲ្យបច្ចេកវិទ្យារបស់ក្រុមហ៊ុនជួយមនុស្សជាច្រើន ។

ទោះជាយ៉ាងណា ការជ្រើសរើសមនុស្សសម្រាប់ការសាកល្បងខួរក្បាលរបស់ពួកគេឲ្យធ្វើអន្តរកម្មដោយផ្ទាល់ជាមួយកុំព្យូទ័រ របស់ក្រុមហ៊ុន Neuralink គឺនៅមិនទាន់បើកដំណើរការនៅឡើយទេ ។

ដោយឡែក មុនទទួលបានការយល់ព្រមឲ្យពិសោធន៍លើមនុស្សពីសំណាក់ FDA, ក្រុមហ៊ុនក៏ធ្លាប់បានធ្វើការពិសោធនជាច្រើនដងរួចមកហើយលើសត្វស្វា ។

គួរឲ្យដឹងថា ក្រុមហ៊ុន Neuralink ត្រូវបានបង្កើតឡើងក្នុងឆ្នាំ ២០១៦ ដោយមហាសេដ្ឋី Elon Musk ដើម្បីបង្កើតប្រភេទបច្ចេកវិទ្យាថ្មីនៃចំណុចប្រទាក់រវាងខួរក្បាលមនុស្ស និងឧបករណ៍បន្ទះឈីប ដែលអាចជួយព្យាបាលមុខងារអវយវៈមួយចំនួន ធ្វើឲ្យចលនារបស់មនុស្សប្រសើរឡើង ដោះស្រាយបញ្ហាភ្នែក និងការស្តាប់ ក៏ដូចជាជួយដល់ជំងឺប្រព័ន្ធប្រសាទ (Parkinson) ជាដើម ៕

ប្រែសម្រួល៖ នាង រតនៈ

ប្រភព៖ Xinhua