គ្រោះថ្នាក់ចរាចរណ៍រថយន្តក្រុងនៅថៃ ឆក់យកជីវិតមនុស្ស ១៤នាក់

រថយន្តក្រុងមួយគ្រឿងក្នុងប្រទេសថៃ បានបើកធ្លាក់ផ្លូវទៅបុកដើមឈើ បណ្តាលឲ្យមនុស្សចំនួន១៤នាក់ បាត់បង់ជីវិតខណៈ ៣២នាក់ផ្សេងទៀតរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់នេះ កើតឡើងនៅខេត្ត Prachuap Khiri Khan ខណៈពេលរថយន្តក្រុង កំពុងធ្វើដំណើរពីរាជធានីបាងកក ឆ្ពោះទៅខេត្ត Songkhla ភាគខាងត្បូង។

តាមការឲ្យដឹងពីមន្ត្រីប៉ូលិសក្នុងតំបន់, រថយន្តក្រុងបានដឹកមនុស្សចំនួន៤៩នាក់ នៅពេលវាជួបគ្រោះថ្នាក់ ជិតឧទ្យានជាតិ Hat Wanakorn។ ជនរងគ្រោះភាគច្រើនជាជនជាតិថៃ ប៉ុន្តែមាន២-៣នាក់ជាជនជាតិមីយ៉ាន់ម៉ា។

លោកវរសេនីយ៍ឯក Weerapat Ketesa នាយប៉ុស្តិ៍នគរបាលរដ្ឋបាល Huay Yang បានឲ្យដឹងថា “យើង​សន្និដ្ឋាន​ថា អ្នក​បើក​បរ​ប្រហែល​ជា​ងងុយ​ដេក។ យ៉ាងណា មន្ត្រីជំនាញកំពុងរង់ចាំលទ្ធផលពិនិត្យឈាមលើអ្នកបើកបរ ដែលរួចជីវិតពីគ្រោះថ្នាក់នេះប៉ុន្តែមានរបួសធ្ងន់ ខណៈប៉ូលិសកំពុងស៊ើបអង្កេត”។

ថៃ ស្ថិតក្នុងចំណោមប្រទេស​​មាន​អត្រា​គ្រោះថ្នាក់​ចរាចរណ៍​ខ្ពស់​បំផុតលើ​ពិភពលោក ពោលគឺមានមនុស្ស​ស្លាប់​រាប់ម៉ឺន​នាក់​ជា​រៀង​រាល់​ឆ្នាំ។

ត្រឹមមួយឆ្នាំ២០២២ មនុស្សរហូតដល់ទៅ១៥០០០នាក់ បានបាត់បង់ជីវិតនៅលើផ្លូវក្នុងប្រទេសថៃ។ នេះបើយោងតាមមជ្ឈមណ្ឌលទិន្នន័យគ្រោះថ្នាក់ចរាចរណ៍របស់ប្រទេស។

ហើយបើយោងតាមអង្គការសុខភាពពិភពលោក, នៅឆ្នាំ២០២១ ឧប្បត្តិហេតុទាក់ទងនឹងចរាចរណ៍ បានរួមចំណែកស្ទើរតែមួយភាគបីនៃការស្លាប់សរុបនៅក្នុងប្រទេសនេះ៕

ប្រែសម្រួល៖ Vann Vann

ប្រភព៖ BBC, AP

ចុចអាន៖ ដឹកភ្ញៀវចេញពីអាកាសយានដ្ឋានបុកបង្កាន់ដៃស្ពានអាកាស​៥មករាឆេះយ៉ាងសន្ធោសន្ធៅ