សេដ្ឋកិច្ច

ថ្នាក់ដឹកនាំធនាគារ ARDB និង អង្គការ GIZ របស់អាល្លឺម៉ង់ ជួបពិភាក្សាអំពីវិស័យហិរញ្ញវត្ថុបៃតង

បានផុស

៧ ខែ មុន

នៅ

ថ្ងៃព្រហស្បតិ៍ ៤ ធ្នូ ២០២៥

ដោយ

លោក កៅ ថាច អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នៅថ្ងៃទី ០១ ខែធ្នូ ឆ្នាំ ២០២៥ បានទទួលជួបក្រុមការងារនៃ Deutsche Gesellschaft fur Internationale Zusammenarbeit (GIZ) ដើម្បីពិភាក្សាលើបទពិសោធន៍ និងការអនុវត្តរបស់ ARDB ពាក់ព័ន្ធនឹង Green Finance និង Taxonomies ក៏ដូចជាបញ្ហាប្រឈមនានា ព្រមទាំងស្វែងយល់ពីកាលានុវត្តភាពនៃកិច្ចសហការនាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកបណ្ឌិត កៅ ថាច បានឱ្យដឹងថា ជំនួបរវាង ARDB និង GIZ ដើម្បីសុំពិភាក្សាដោយផ្ទាល់ជាមួយលោក អំពីវិស័យ Green Finance (ហិរញ្ញប្បទានបៃតង) និង Taxonomies (ប្រព័ន្ធកំណត់ស្តង់ដារបៃតង)។

ជាក់ស្តែង ពាក់ព័ន្ធទៅនឹងការងារនេះ ក្រោយពេលដែល GIZ ពិភាក្សា និងសុំយោបល់រួច GIZ ក៏នឹងបន្តជួបជាមួយស្ថាប័នពាក់ព័ន្ធមួយចំនួន ដើម្បីពិភាក្សាបន្ថែមទៅលើការងារនេះបន្ថែមផងដែរ។

ឆ្លៀតក្នុងឱកាសនេះ លោកបណ្ឌិត កៅ ថាច ក៏បានស្នើសុំឱ្យ GIZ ជួយពិនិត្យមើលលទ្ធភាពនៅកម្ពុជាធ្វើយ៉ាងណាឱ្យមានការទាក់ទងគ្នាឱ្យមានទីផ្សារកាបូនណាមួយច្បាស់លាស់ ដើម្បីជុំរុញកិច្ចការងារ ជាពិសេសកិច្ចការងារកសិកម្មដែលមានការបំភាយឱស្ម័នកាបូនិចតិចតួចបំផុតទៅលើបរិយាកាស។

លោកបណ្ឌិត កៅ ថាច ក៏បានស្នើសុំភ្ជាប់បន្ថែមទៅដល់ GIZ ឱ្យពិនិត្យមើលជួយការបច្ចេកទេសណាម្នាក់(Technical assistance) ឬក៏នរណាម្នាក់ដើម្បីធ្វើកិច្ចការទៅលើការដាំដុះស្រូវដែលមានការបំភាយឧស្ម័នកាបូនិចតិចតួចទៅលើអាកាស។

ជាការឆ្លើយតប GIZ បានភ្ជាប់កិច្ចពិភាក្សាលើការងារខាងលើនេះទៅកាន់អ្នកពាក់ព័ន្ធដែលបានពិភាក្សានាពេលកន្លងមក ដែលសន្យាថានឹងផ្តល់លេខទំនាក់ទំនងដែលពាក់ព័ន្ធទៅនិងកិច្ចការនេះ៕