តើថៃ ប្រឈមវិបត្តិទេសចរយ៉ាងណា ក្រោយភ្ញៀវបរទេស រិះគន់ការរឹតត្បិត ពេលផ្ទុះសង្គ្រាមជាមួយកម្ពុជា

បញ្ហាវិបត្តិទេសចថៃកើតឡើងក្រោយការរិះគន់ពីភ្ញៀវបរទេស និងការផ្ទុះសង្គ្រាមជាមួយកម្ពុជា ជាពិសេសទាក់ទិននឹងវិស័យទេសចរណ៍ និងសេដ្ឋកិច្ច។ អ្នកដំណើរជាច្រើនបានទទួលការព្រមាន មិនគួរធ្វើដំណើរក្នុងអំឡុងពេលមុនបុណ្យណូអែលដ៏មមាញឹក ដោយសារតែភាពមិនស្ថិតស្ថេរតំបន់ព្រំដែន បង្កឲ្យមានការមិនទុកចិត្តពីភ្ញៀវទេសចរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែការរិតត្បិតដ៏តឹងតែងនេះ ប្រទេសថៃបាននិងកំពុងតែប្រឈមវិបត្តិជាច្រើន។ ជាក់ស្ដែង ភ្ញៀវទេសចរជាតិ និងអន្តរជាតិបានប្រាប់ឲ្យដឹងថា ពួកគេទទួលការព្រមានពីរដ្ឋាភិបាលខ្លះៗដូចជាសហរដ្ឋអាមេរិក និងចក្រភពអង់គ្លេស ពីស្ថានភាពប្រយុទ្ធនៅតំបន់ព្រំដែន ដែលបានបង្កការព្រួយបារម្ភសុវត្ថិភាព និងការលេចធ្លាយព័ត៌មានអវិជ្ជមានជាច្រើន។ ជាពិសេស ការរិតត្បិតនិងពិនិត្យកម្រិតសន្តិសុខនៅព្រំដែនថៃ ក៏បង្កឲ្យភ្ញៀវមួយចំនួនបានលុបដំណើរកម្សាន្ត និងកក់សណ្ឋាគារយ៉ាងច្រើនអនេក។

ជាងនេះទៀតដែរ បញ្ហាប្រឈមនៅព្រំដែនបានធ្វើឲ្យចំនួនភ្ញៀវបរទេសធ្លាក់ចុះនៅប្រហែល ៧–១១% ក្នុងខែធ្នូ ២០២៥ បើប្រៀបធៀបឆ្នាំមុន។ នៅតំបន់ជិតព្រំដែន ធ្វើឲ្យអត្រាការលុបកក់សណ្ឋាគារកាន់តែកើនឡើង ហើយការវិនិយោគក៏ស្ថិតនៅក្នុងស្ថានភាពលំបាក។

ដោយឡែក ងាកមកកាន់វិស័យទេសចរណ៍នៅតំបន់អាគ្នេយ៍ និងភាគឦសានថៃ បានខាតប្រាក់ចំណូលជាច្រើនលានបាត រៀងរាល់ខែពីការលុបកក់ និងការកាត់បន្ថយទេសចរ។ ខេត្តដែលមានព្រំប្រទល់ជាប់នឹងប្រទេសកម្ពុជា គឺខេត្ត ឧប៊ុនរ៉ាចថានី, ស៊ីសាកេត, សូរិន, បុរីរម្យ ស្រះកែវ, ច័ន្ទបុរី និងត្រាត បាននិងកំពុងប្រឈមនឹងកំណើនចំនួនការលុបកក់ដល់ ៨០ នៅទៅ១០០ភាគរយ​ក្នុងពេលបច្ចុប្បន្ន។

បន្ថែមពីនេះ ក្នុងពេលដែលថៃបានដាក់បម្រាមកាន់តែតឹងរឹងខ្លាំង ដោយមិនឲ្យភ្ញៀវទេសចរឆ្លងកាត់ព្រំដៃនចូលមកទឹកដីកម្ពុជា អ្នកដំណើរជាច្រើនបានប្ដឹងតបវិញថា នេះគឺជាព័ត៌មានអវិជ្ជមាន និងជារឿងសន្តិសុខបំផុត ដែលធ្វើឲ្យពួកគេចាត់ទុកថា ប្រទេសថៃមិនមានសុវត្ថិសម្រាប់ពួកគេ និងលែងមានរូបភាពស្អាតៗដូចពីមុនទៀតហើយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ម្ចាស់សិប្បកម្មទឹកត្រី ថៃ ត្អូញត្អែរលក់លែងដាច់ ក្រោយពលរដ្ធ កម្ពុជា ពហិការផលិតផលថៃ