ព័ត៌មានជាតិ
រដ្ឋមន្ត្រីទេសចរណ៍ថា កម្ពុជា-ឥណ្ឌា ជាបងប្អូនរួមវប្បធម៌ អរិយធម៌ និងប្រវត្តិសាស្ត្រ
រដ្ឋមន្ត្រីទេសចរណ៍លោក ហួត ហាក់ បានលើកឡើងថាកម្ពុជាបានត្រៀមខ្លួនសម្រាប់ការទទួលកំនើនភ្ញៀវទេសចរណ៍ឥណ្ឌាក្នុងឆ្នាំ២០២៦នេះ ខណៈដែលកម្ពុជា និងឥណ្ឌា មានការហោះហើរត្រង់ជាមួយគ្នា។ លោកថា កម្ពុជាស្វាគមន៍ការមកលេងរបស់បងប្អូនបង្កើតរួមវប្បធម៌អរិយធម៌ និងប្រវតិ្តសាស្រ្ត។
លើកឡើងក្នុងជំនួបជាមួយអគ្គរដ្ឋទូតឥណ្ឌានៅទីស្តីការក្រសួងទេសចរណ៍ថ្ងៃទី២ ខែមករា ឆ្នាំ២០២៦ លោក ហួត ហាក់ បានថ្លែងអំណរគុណដល់ប្រទេសឥណ្ឌាដែលបានគាំទ្រដល់ក្រសួងក្នុងការអនុវត្តគម្រោងអភិវឌ្ឍន៍សហគមន៍អេកូទេសចរណ៍កន្លងមក។ លោកបន្ថែមថាក្នុងឆ្នាំ២០២៥កន្លងទៅភ្ញៀវទេសចរណ៍ឥណ្ឌាបានមកលេងកម្ពុជាមានកំណើនគួរឱ្យកត់សម្គាល់ និងរំពឹងថាក្នុងឆ្នាំ២០២៦នេះនឹងមានភ្ញៀវទេសចរណ៍កាន់តែច្រើនមកលេងកម្ពុជាថែមទៀត។
លោកថា៖ «កម្ពុជាបានត្រៀមលក្ខណៈរួចជាស្រេច ដើម្បីទទួលកំណើនភ្ញៀវទេសចរឥណ្ឌាដែលជាបងប្អូនរួមវប្បធម៌ អរិយធម៌ និងប្រវត្តិសាស្រ្តពាន់ឆ្នាំមកទស្សនា នាឆ្នាំថ្មី ឆ្នាំសកល ២០២៦នេះ»។
បច្ចុប្បន្នកម្ពុជា និងឥណ្ឌាមានជើងហោះហើត្រង់រវាងរដ្ឋធានី New Delhi និងរាជធានីភ្នំពេញដោយក្រុមហ៊ុនអាកាសចរណ៍ Air Cambodia និងរវាងទីក្រុង Kolkata និងខេត្តសៀមរាប ដោយក្រុមហ៊ុនអាកាសចរណ៍ IndiGo Airlines។
របាយការណ៍ក្រសួងទេសចរណ៍១១ខែ ក្នុងឆ្នាំ២០២៥ មានភ្ញៀវទេសចរណ៍មកលេងកម្ពុជាជាង៥លាននាក់ ក្នុងនោះភ្ញៀវទេសចរណ៍ឥណ្ឌាមានជាង៦ម៉ឺននាក់៕
អត្ថបទដោយ ហ៊ុន សិរីវឌ្ឍន៍
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១១ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន