ព័ត៌មានអន្ដរជាតិ

ថ្នាក់ដឹកនាំអឺរ៉ុបបញ្ជាក់ជំហរនៅជាមួយ អាជ្ញាធរGreenland និងដាណឺម៉ាក

បានផុស

៣ ខែ មុន

នៅ

ថ្ងៃពុធ ២១ មករា ២០២៦

ដោយ

លោកស្រី Kaja Kallas អនុប្រធានគណៈកម្មការសហភាពអឺរ៉ុប បានជួបឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ ដាណឺម៉ាក លោក Troels Lund Poulsen និង រដ្ឋមន្ត្រីក្រសួងការបរទេសនៃកោះ Greenland លោកស្រី Vivian Motzfeldt ដើម្បីពិភាក្សាគ្នាអំពីបេសកកម្មរបស់អង្គការណាតូនៅលើកោះ Greenland និងតំបន់អាក់ទិក។ បើតាមការបង្ហោះពីបណ្តាញសង្គមរបស់ លោក ស្រី នៅថ្ងៃអង្គារ៍នេះ។

លោក ស្រី Kaja Kallas និងរដ្ឋមន្រ្តីរបស់ប្រទេសដាណឺម៉ាក។ Fb: លោក ស្រី Kallas

លោកស្រី Kaja Kallas ថ្លែងថា៖«សន្តិសុខតំបន់អាក់ទិកគឺជាផលប្រយោជន៍រួមគ្នានៃ«អន្តរអាត្លង់ទិក» ហើយយើងអាចពិភាក្សាជាមួយសម្ព័ន្ធមិត្តអាមេរិកបាន។ ប៉ុន្តែចំពោះការគំរាមកំហែងលើពន្ធ មិនមែនជាវិធីដោះស្រាយរឿងនេះទេ។ ចំណែកអធិបតេយ្យភាពមិនមែនសម្រាប់ការធ្វើពាណិជ្ជកម្មឡើយ»។

លោកស្រី Kaja Kallas បានថ្លែងថា យើងមិនមានចំណាប់អារម្មណ៍ក្នុងការជ្រើសរើសការប្រកួតនោះទេ ប៉ុន្តែយើងនឹងកាន់ជំហររបស់យើង។

លោកស្រីសង្កត់ធ្ងន់ថា៖ «ចំណែកអឺរ៉ុបក៏មានរបស់ប្រើប្រាស់ សម្រាប់ការពារផលប្រយោជន៍របស់ខ្លួនដែរ»។

ចំណែក លោក Poulsen បានកត់សម្គាល់នូវដំណោះស្រាយមួយចំនួន បន្ទាប់ពីកិច្ចប្រជុំជាមួយអគ្គលេខាធិការអង្គការណាតូ លោក Mark Rutte និងរដ្ឋមន្ត្រីការបរទេស Greenlandic លោកស្រី Vivian Motzfeldt នៅទីក្រុងប្រ៊ុចសែល។

លោក Poulsen បាននិយាយថា៖ «យើងបានស្នើរឿងនេះរួចហើយ។ អគ្គលេខាធិការអង្គការណាតូក៏បានកត់សម្គាល់ផងដែរអំពីរឿងនេះ ហើយខ្ញុំជឿថាឥឡូវនេះយើងអាចបង្កើតក្របខ័ណ្ឌសម្រាប់ដំណោះស្រាយរួមមួយ ដែលអាចសម្រេចបាន។ ជាងនេះទៅទៀត វាក៏ស្របនឹងអ្វីដែលយើងបានពិភាក្សាជាមួយនឹងរដ្ឋាភិបាល Greenland ផងដែរ»៕

ប្រែសម្រួល៖ ណឺ មិនា